Nota de prensa
DERBI IRMANDIÑO E DUELO DE BOAS SENSACIÓNS
Ao Burela FS Pescados Rubén agárdao mañá derbi irmandiño e duelo de boas sensacións na casa do poderoso Ponte Ourense, campión de liga 2010-11. Ambas as escuadras poñerán a proba a súa imbatibilidade das últimas oitos xornadas na pista dos Remedios (17.00 horas).
A pichichi laranxa, Ro Carballés, destacou o bo momento no que chega a cita galega para as mariñás: “Estamos no mellor momento físico da tempada; a planificación foi a esperada e sabiamos que iamos chegar a estas alturas en óptimas condicións. A isto únese o plus de enerxía pola ledicia que nos están dando os resultados”.
Pechando o podio con 38 puntos, as ourensás recibirán o cadro de Javier Pardeiro, na sétima praza (32 puntos), cun conxunto ateigado de internacionais que conta ademais coa máxima goleadora da categoría, Ampi (25 tantos). Outro dos hándicaps para o Pescados Rubén é o parapeto dos Remedios, onde o Ponte tan só cedeu puntos en dous empates, fronte ao Cajasur Córdoba (2-2), na segunda xornada, e o Femesala Elche (3-3), na sexta.
Mediranse os dous equipos menos goleados de Primeira, con tan só 29 tantos encaixados en 17 xornadas. “Será un encontro moi igualado; os dous equipos partiremos coa filosofía de atacar e ir a polo partido, buscando a posesión do esférico”, dixo a pivote mariñá, puntualizando sobre o papel burelista: “Debemos ser fieis ao noso xogo e confiar en nós porque xa demostramos que somos capaces de facerlle fronte a calquera rival”.
O vestiario laranxa estrea a incorporación das brasileiras Cely e Milena. Poderá ser dúbida Dolo, cunha escordadura de metatarsiano, que a mantivo afastada dos adestramentos durante a semana. Lucía evoluciona, segundo os prazos previstos, da intervención de ligamento cruzado anterior.
Rivais. Tan só 1 punto por encima do Pescados Rubén, o Femesala Elche defenderá a sexta praza, na pista do oitavo clasificado, UA Alicante (23).
Próxima xornada
Vista Alegre celebrará a chegada da 19ª xornada da Primeira División, ante o flamante Cajasur Córboba, con Entroido Laranxa, o domingo 26, ás 12.30 horas. Todos os afeccionados/as que acudan disfrazados ao partido terán acceso gratuíto.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
