Nota de prensa
A PLATAFORMA NA DEFENSA DA SANIDADE PÚBLICA DA MARIÑA RECOLLERÁ NA MARIÑA 1.500 SINATURAS DE APOIO Á INICIATIVA LEXISLATIVA POPULAR NA DEFENSA E PROMOCIÓN DA SANIDADE PÚBLICA EN GALIZA
A Plataforma SOS Sanidade Pública promove a Iniciativa Lexislativa Popular coa finalidade de deter a política de recortes e privatizacións da Sanidade Pública impulsada polo Goberno Galego para garantir o dereito constitucional á protección da saúde da cidadanía galega.
Coa Iniciativa pretendemos
– Manter a Sanidade Pública como servizo universal, gratuíto e de calidade, como responsabilidade do Goberno galego
– Manter a xestión pública e directa do Sistema de Saúde de Galiza
– Mellorar a capacidade resolutiva en atención primaria dotándoa do persoal e medios tecnolóxicos suficientes, cunha cobertura equilibrada en todo ou territorio galego e para toda a poboación.
– Mellorar a xestión sanitaria mantendo as actuais áreas sanitarias como espazo para a planificación e xestión unitaria dos recursos sanitarios que garanta a equidade e a racionalidade.
A Mariña, 17 de febreiro de 2012. A Plataforma na Defensa da Sanidade Publica da Mariña iniciará unha recollida de sinaturas de apoio á INICIATIVA LEXISLATIVA POPULAR NA DEFENSA E PROMOCIÓN DA SANIDADE PÚBLICA EN GALIZA. Dende a Plataforma aclararon que este é un primeiro paquete de 1.500 sinaturas que se ampliará coas que sexan necesarias a fin de que a cidadanía mariñá poda mostrar o seu descontento co progresivo e constante deterioro do sistema público de saúde galego. Dende a Plataforma quixeron deixar claro que esta iniciativa non vai contra ninguén, senón que trata de garantir o mantemento e promoción dun sistema sanitario público, gratuíto, universal e de calidade que neste momento está en perigo debido á política de recortes e privatizacións iniciadas polo actual goberno galego.
A Plataforma non esquece que o Decreto de Xestión Integrada pesa como unha lousa para o futuro mantemento da Área Sanitaria única da Mariña.
Dende a plataforma mariñá da que forman parte partidos políticos, sindicatos, asociacións veciñais e de doentes sinalaron que esta iniciativa non está ao marxe da reivindicación básica que moveu á creación da plataforma na Mariña que sigue sendo o mantemento da Área Sanitaria Única na comarca para evitar que o decreto de xestión integrada, xa posto en práctica polo goberno galego noutras zonas do país, acabe arrastrando á nosa comarca a un deterioro maior na calidade asistencial.
O Hospital da Costa, a pesar do maquillaxe, sigue ocupando os postos mais altos nas listas oficiais de espera cirúrxica so por debaixo dos complexos universitarios de Santiago e A Coruña.
Dende a plataforma quixeron “rebaixarlle os fumes” ao director xerente do Hospital da Costa que fai uns días presumía da rebaixa nas listas de espera a que lle lembraron que o Hospital da Costa é o terceiro dos catorce centros hospitalarios da rede pública galega só por debaixo dos grandes centros de Santiago e A Coruña. “Nin as maquillaxes, nin os constantes traslados de doentes á privada conseguen rebaixar os elevados tempos de espera que se producen en cirurxía.”
Constante incremento de fondos públicos para a sanidade privada e recortes no servizo público que afectan gravemente á calidade asistencial.
Na comparecencia lembraron que o goberno galego non deixa de incrementar as partidas de fondos públicos cara á sanidade privada, neste ano 4 millóns de euros irán para á sanidade concertada en Lugo, pola contra os recortes nos fondos para o servizo público provocan a falta de substitucións nas baixas do persoal que se ve obrigado a duplicar servizos así como a aparición de problemas no abastecemento de determinados materiais e servizos que antes se viñan prestando con normalidade, empeorando a calidade e provocando o desánimo entre o persoal sanitario.
A plataforma chamou aos partidos políticos a defender nos plenos municipais o sistema sanitario público galego.
Dende a plataforma chamaron aos partidos políticos da comarca a defender e promocionar nas institucións locais o sistema público de saúde e anunciaron que trasladarán ao conxunto dos concellos e partidos políticos con representación na comarca unha moción de apoio a esta iniciativa lexislativa.
Pon último convidaron á cidadanía mariñá a sumarse a este esforzo na defensa dun servizo tan esencial como é a sanidade pública convidando a apoiar o pregos de sinaturas que se distribuirán polos concellos e centros de traballo da comarca poñendo a súa sinatura a fin de conseguir que a Iniciativa Lexislativa Popular chegue ao parlamento galego co maior número de apoios posíbel.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
