Nota de prensa
BURELA CONTA DENDE PRINCIPIOS DE ANO CUNHA AXENCIA LOCAL DE COLOCACIÓN NA QUE ESTÁN ANOTADAS 200 PERSOAS E 50 EMPRESAS. ESTÁ PROMOVIDA POLA CONCELLERÍA DE EMPREGO QUE TAMÉN PON EN MARCHA A NOVA TARXETA BURELA-EMPREGO CON CONDICIÓNS VANTAXOSAS PARA OS QUE CONTEN CON ELA.
Burela, 20 de febreiro de 2012. Burela conta dende principios de ano cunha axencia local de colocación, promovida pola Concellería de Emprego, que dispón agora mesmo dunha bolsa de emprego na que hai apuntadas unhas 200 persoas e 50 empresas. José Casas subliñou que o Concello tamén pon en marcha a nova tarxeta Burela-emprego con condicións vantaxosas para todos os que conten con ela.
O concelleiro de Emprego sinalou que “das 200 persoas que hai anotadas na axencia local de colocación 70 xa dispoñen da nova tarxeta Burela-emprego. Unha condición vantaxosa coa que poden beneficiarse das diversas accións postas en marcha polo Concello a través da súa bolsa de emprego, ou ser o receptor das múltiples ofertas de traballo tramitadas mensualmente dende a Concellaría de Emprego”. José Casas contou que a estas ofertas únense agora as expostas no taboleiro de anucios do Facebook Bolsa de emprego Concello de Burela, “pois ademais de abrir o contacto con todas as empresas participantes tamén faremos un seguimento das vacantes non cubertas para poder desprazalas á bolsa de emprego de Burela e que sexan os usuarios desta tarxeta os que teñan preferencia para optar a ocupar ese posto de traballo”.
O edil popular explicou que “en breve comezarán a ser efectivas as funcións da tarxeta Burela-emprego. Ademáis nestas semanas prepararanse os diferentes grupos que conformarán os diversos plans de emprego previstos para este ano 2012, cuxo obxectivo final non só se fundamenta na consecución dun posto de traballo, senón tamén en alcanzar maiores graos de autonomía e autosuficiencia na busca de emprego, sendo capaz de manexarse con autonomía e destreza no mercado laboral”.
A axencia local de colocación funcionará na sede do departamento de emprego do Concello de Burela e con persoal propio deste servizo, “co que non supón ningún gasto engadido ao Concello”, asegurou José Casas. Nas próximas semanas iniciarase unha campaña entre as empresas da zona, para ofrecerlles participar na rede de empresas do Concello de Burela, na que contarán entre outros servizos coa colaboración para xestionar as súas ofertas de traballo. Esta intermediación laboral será un servizo gratuíto para ambas partes, segundo o concelleiro burelés, quen apuntou que “a intermediación laboral persigue aplicar políticas tendentes a diminuír o nivel de desemprego con especial atención aos colectivos con máis dificultades de acceso ao mercado do traballo”.
Todas aquelas persoas de Burela en situación de desemprego que non dispoñan da tarxeta Burela-emprego, aínda están a tempo de solicitala acudindo ás oficinas da Concellaría de Emprego na Avda. Arcadio Pardiñas, 137, entlo. de Burela.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
