Nota de prensa
GONZÁLEZ BARCIA ASEGURA QUE O PXOM ESTÁ PRÁCTICAMENTE REMATADO. A VINDEIRA SEMANA DARASE A COÑECER O CALENDARIO PARA A SÚA APROBACIÓN E TRAMITACIÓN. O DOCUMENTO INCLÚE UNHA REBAIXA CONSIDERABLE DA AFECTACIÓN ACTUAL DA VARIANTE, QUE PASA DE 100 A 25 METROS, E A RESERVA DE SOLO NO ESPAZO PORTUARIO DO BERBÉS PARA A CONSTRUCCIÓN DUNHA EDAR.
Burela, 17 de febreiro de 2012. O PXOM de Burela está prácticamente rematado, segundo ven de anunciar o alcalde, José Mª González Barcia. A vindeira semana darase a coñecer o calendario para a súa aprobación e tramitación. O PXOM inclúe unha rebaixa considerable da afectación da actual variante, que pasa de 100 a 25 metros, e a reserva de solo no espazo portuario do Berbés para a construción dunha EDAR. Onte reuniuse a comisión de seguimento do PXOM. Ao encontro asistiron representantes dos tres grupos políticos: PP, PSOE e Grupo Mixto, da asociación de veciños O Vencello, os técnicos da empresa redactora e o técnico municipal de obras.
O rexedor explicou que “no encontro expuxemos e informamos do traballo realizados nos últimos meses e tamén se lles indicou que a estas alturas este documento está prácticamente rematado, a falta de pequenas cuestións, e que a vindeira semanas avanzaremos desde o equipo de goberno o calendario e o procedemento a seguir para a súa aprobación e tramitación”.
González Barcia sinalou que “si hai uns días falabamos da importancia da reserva de solo dotacional que se contempla no PXOM non é menos certo que hai outras cuestións que teñen certa relevancia. Así pretendemos recoller unha rebaixa considerable no que é a afectación da actual variante”. O alcalde burelés dixo que “tendo en conta un informe emitido polo Ministerio de Fomento sendo ministro José Blanco e tendo en conta a aprobación da declaración de impacto ambiental do corredor Barreiros-San Cibrao, que tamén fixo Fomento baixo o mesmo mandato, isto obríganos a incluír esta infraestrutura dentro do plan xeral. Pero o que non é moi lóxico é pensar que se manteña a afectación da variante e que se contemple ao mesmo tempo a afectación dun novo vial que ten carácter de autovía”. O rexedor indicou que “o que facemos no PXOM é rebaixar a afectación da variante de 100 a 25 metros en función das conversas mantidas nas últimos meses coa Demarcacións de Estradas en Lugo e na Coruña”. O equipo de goberno confía en que “o Ministerio de Fomento valore a aportación que nós facemos no plan e que consideramos lóxica”.
O alcalde de Burela, José Mª González Barcia, manifestou que “nós tamén facemos unha reserva de solo no espazo portuario do Berbés. Alí hai 40.000 metros de solo que, en principio, están destinados para a ubicación de empresas ou de actividades que teñan que ver co sector náutico pesqueiro, pero non é menos certo que agora mesmo o único espazo posible para unha estación depuradora de augas residuais é ese. Unha EDAR en Burela non se entendería que non estivese colocada a nivel do mar, non sería lóxico porque teríamos que facer bombeos. Ese é un espazo reservado”. E engadiu que “se ten falado con Augas de Galicia sobre esa posible ubicación e ao mesmo tempo tamén se ten falado con Portos de Galicia por entender que esa é unha zona na que se pode ubicar a EDAR. Estamos en fase de conversas con Augas e con Portos de Galicia e é posible que dentro dun mes teñamos unha reunión a tres bandas para definir xa de maneira máis exacta a ubicación da EDAR”.
O equipo de goberno contempla a construción dunha nova depuradora de augas residuais “porque a actual está a dar problemas, como xa dixemos en reiteradas ocasións. Ademáis nós non podemos aprobar un documento de planeamento urbanístico que vai condicionar o desenvolvemento de Burela no futuro, onde se inclúe un incremento do número de vivendas con respecto ás existentes na actualidade, sen contemplar unha estación faga o saneamento de toda esa poboación que se pode ubicar en Burela”. González Barcia cre que “estamos actuando con racionalidade” e lembra que “todo isto non aparecía no documento que nós nos atopamos ao chegar ao Concello. Todos estes trámites levan tempo, pero penso que estamos no bó camiño”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
