Nota de prensa
Alfonso Villares pide reflexión e madurez política ao PSOE cervense
-O alcalde de Cervo bota en falta unha maior colaboración dos socialistas en asuntos como o renomeamento dos centros educativos
-Villares pensa que non é positivo para os veciños que o PSOE se deixe levar por unha rabieta e pide serenidade
-O rexedor lembra que os novos nomes teñen que ter o beneplácito do pleno e a formulación da proposta por parte do goberno local, con maioría absoluta, garante a súa aprobación.
Cervo, 23 de febreiro de 2012-O alcalde de Cervo, Alfonso Villares, lamentou hoxe que os cervenses teñan que presenciar actitudes infantís por parte de persoas adultas, facendo referencia ás críticas vertidas polo grupo socialista en relación ao renomeamento dos centros educativos de Cervo. “Dáme verdadeira pena que non exista a responsabilidade e a madurez política que require este asunto”, asegura o rexedor, “e realmente o sinto polos veciños, que sempre son os prexudicados cando a oposición se entretén con xogos de palabras e deixa de lado o sentido común”.
Villares pídelle ao PSOE cervense que “reflexione” sobre as súas críticas e pense se con elas beneficia en algo aos veciños. “Dende o goberno local lanzamos esta proposta sabendo que recolle o sentir do pobo, ao igual que fixemos no seu momento propoñendo a Isaac Díaz Pardo e a Francisco Rivera Casás como fillos adoptivos” explica o mandatario cervense. “Todo responsable político debería saber que o renomeamento dos centros ten que pasar obrigatoriamente polo pleno. A nosa formulación da proposta, como grupo con maioría na corporación, garante a súa posterior aprobación”, engade Villares.
O rexedor recoñece que lle preocupa “a imaxe que proxectamos como concello con este tipo de rabietas, coas que os avances para o renomeamento dos centros quedan en segundo plano a favor de xerar unha polémica que nin sequera existe entre a sociedade. Gustaríame que os socialistas nos tiveran manifestado o seu voto a favor no pleno e así terían amosado aos veciños que lles preocupan os asuntos municipais por riba do rédito político, pero non foi así”.
Villares considera que “todos somos xa adultos como para que nos digan o que temos que facer, pero se os socialistas me permiten un consello, só polo ben de todos, recomendaríalles que se centraran na importancia que ten darlles un nome axeitado aos centros nos que estudan os rapaces e rapazas cervenses, que son o futuro do noso municipio”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
