Nota de prensa
FERNANDO SUÁREZ DIRÍXESE AO MINISTERIO DE FOMENTO EN DEMANDA DE INFORMACIÓN SOBRE O ACCESO Á CIRCUNVALACIÓN DESDE AS PARROQUIAS DO INTERIOR. O REXEDOR LEMBROU QUE O PROXECTO SE INICIOU E QUE DESPOIS SE ANULOU DE XEITO INSENSATO E INSISTE EN QUE MOITOS VECIÑOS SEGUEN A RECIBIR REQUERIMENTOS SOLICITÁNDOLLES QUE DEVOLVAN O QUE PERCIBIRON EN CONCEPTO DE EXPROPIACIÓNS.
Ribadeo, 1 de febreiro de 2012. O alcalde de Ribadeo, Fernando Suárez, ven de dirixirse ao Ministerio de Fomento diante da súa falla de resposta á petición de suspensión do procedemento de desafectación sobre os bens e dereitos afectados pola construcción do acceso á circunvalación ribadense desde as parroquias do interior. O rexedor solicita unha vez máis que se paralice o proceso polo que se lles está a pedir aos veciños afectados polas expropiacións realizadas no seu día a devolución dos cartos recibidos.
Suárez Barcia sinalou que “hai unha circunstancia controvertida en Ribadeo coa falla de contestación por parte do Ministerio de Fomento a este acordo, que os portavoces municipais lle fixemos chegar hai uns meses antes do cambio de goberno, sobre a circunvalación e este acceso previsto e que de maneira insensata e sen moita xustificación o propio ministerio decidiu anular. O goberno do Estado iniciaba despois un procedemento de reversión dos bens expropiados a moitos dos particulares demándandolles a devolución do diñeiro que inicialmente lles entregaron por esta operación”.
O rexedor dixo que “desde o Concello sempre vimos esta actuación como inédita en todo Estado. Ese acceso, non sendo a mellor solución posible, era unha saída razonable para que o tráfico das parroquias do interior puidera acceder á circunvalación a través da propia resolución plantexada no seu momento o Ministerio de Fomento. Naquel momento non se fixo e segue sen facerse e a día de hoxe Fomento aínda non nos contestou”. E engadiu que “agora veño de dirixirme á ministra Ana Pastor, cos mesmos argumentos e co mesmo escrito asinado hai uns meses polos portavoces municipais, para que se manteña a suspensión deste procedemento de desafectación dos bens e dereitos desta expropiación e que se paralice o trámite de requerimento aos veciños afectados para a devolución dos importes recibidos como depósitos previos en tanto non se resolva o asunto principal”.
Fernando Suárez lembrou que “o asunto principal é que se chegue a facer ese acceso á circunvalación por parte de quen corresponde que é o Ministerio de Fomento. Non ten sentido que inicien a devolución de algo que inicialmente expropiaron para que dentro dun tempo se inicie novamente a súa expropiación. Parécenos de xustiza e de razón que o Ministerio de Fomento lle conteste a esta petición que unánimemente lle estamos a facer desde Concello todos os grupos da Corporación Municipal. Agora o goberno do Estado cambiou, hai novos ministros e novos técnicos, pero o problema de Ribadeo segue enriba da mesa e ademáis Facenda estálles a pedir a moitos destes expropiados que devolvan cantidades que o propio Estado lles expropiou e lles anticipou o pago”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
