Nota de prensa
HORACIO CUPEIRO PÍDELLES AOS VECIÑOS QUE FAGAN UNHA RECOLLIDA SELECTIVA AXEITADA “POR RESPONSABILIDADE MEDIOAMBIENTAL E PARA EVITARLLE GASTOS INNECESARIOS AO CONCELLO”. RIBADEO XENEROU O ANO PASADO MÁIS DE 4.200.000 KILOS DE LIXO.
Ribadeo, 23 de febreiro de 2012. O concelleiro de Medio Ambiente, Horacio Cupeiro, pídelles aos veciños que fagan unha recollida selectiva axeitada “por responsabilidade medioambiental e para evitarlle gastos innecesarios ao Concello”. O edil nacionalista deu a coñecer os datos da recollida do lixo, vidro, cartón ou cartón correspondentes ao pasado ano.
Cupeiro fixo un desglose de todo o lixo e de todos os materiais recollidos en Ribadeo ao longo do ano 2011 e realizou unha comparativa co 2010. O concelleiro de Medio Ambiente explicou que “no contedor orgánico, que é o que paga o Concello, recollemos 4.203.470 kilos de lixo, o que supón un 5% menos que no 2010. No contedor amarelo recolléronse 275.000 kilos, un 7,7% menos que o ano anterior, isto lóxicamente págao Ecoembes. En vidro recollemos 276.970 kilos, un 3’54% menos que no 2010; nos contedores de cartón os ribadenses depositamos 262.705 kilos, un 3’78% máis que o ano anterior; no cartón porta a porta recollemos 26.944, un 16,42% que no 2010; nos contedores de roupa deixáronse 25.820 kilos, un 11,56% máis que o ano anterior; en aparatos eléctricos e electrónicos recollemos 26.165 kilos, un 1,11% máis que no 2010; en residuos perigosos 1.628 kilos, un 39% máis; en voluminosos recollemos 40.580 kilos, un 7’13% máis; en plásticos de silos é curioso porque baixamos nun 30% e recollemos 55.600 kilos; en aceite de cociña recolléronse 2.080 kilos, un 12% menos”.
Horacio Cupeiro aproveitou para contar que “o custe de toda a Delegación de Medio Ambiente é de 1.125.342 euros” e fixo unha reflexión “en períodos de crise debemos tentar reducir todo isto e todos nos debemos comprometer para reducir estas cifras facendo un bó uso de todo o sistema, tanto por parte dos cidadáns como por parte dos que diriximos isto”. O concelleiro de Medio Ambiente poñía algúns exemplos, “os cidadáns deberían reducir os residuos, clasificar mellor ditos residuos para que vaian aos sistemas integrados de xestión e non teña que pagar o Concello, por iso pido unha vez máis a todos os veciños que fagan unha recollida selectiva axeitada, porque por responsabilidade medioambiental e de sostibilidade debemos seleccionar”. Cupeiro considera que “debemos aplicarnos no traballo para facer o mesmo con menos xente, debemos darlle un bó trato á maquinaria para non ter que ir aos talleres e aforrar, debemos ser serios no traballo en canto ao horario e a atención ao cidadá, debemos aforrar en combustible. Tamén na Delegación de Medio Ambiente debemos aforrar en papel, en luz, en informática, en calefacción, debemos mellorar en contratación de empresas auditoras do sistema de mantemento. Si todos nos responsabilizamos e nos comprometemos isto poderémolo sacar adiante, se non somos responsables a nosa comunidade, o noso concello todos teremos graves problemas”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
