Nota de prensa
O protocolo actual, en virtude do que faenan 24 buques cefalopoderos galegos, remata a súa vixencia o 31 de xullo de 2012
O PARLAMENTO GALEGO, CO APOIO DO GRUPO POPULAR, RECLAMA A RENOVACIÓN DO ACORDO PESQUEIRO DA UE CON MAURITANIA
O texto finalmente aprobado recolle o contido da emenda defendida polo voceiro popular do Mar para que “se continúen e intensifiquen” as xestións diante das institucións comunitarias e o Goberno español de cara a reedición dun novo acordo pesqueiro.
Balseiro lembra que Rosa Quintana xa trasladou á comisaria europea de Pesca a importancia de que o novo acordo pesqueiro inclúa garantías de seguranza xurídica que permitan unha actividade pesqueira normal neses caladoiros.
Santiago, 23 de febreiro de 2012.- O Parlamento de Galicia aprobou esta tarde, co apoio do Grupo Popular, un texto de consenso no que se reclama a renovación do acordo pesqueiro que a Unión Europea ten con Mauritania. O protocolo actual asinado con esta república islámica africana permite faenar en augas mauritanas a 24 buques cefalopoderos galegos, ata que remate o prazo da súa vixencia o 31 de xullo de 2012.
O texto finalmente aprobado, froito da transacción de todos os grupos políticos da Cámara logo do debate na Comisión de Pesca e Marisqueo, recolle o contido da emenda defendida polo voceiro popular do Mar, Jose Manuel Balseiro, quen defendeu “que continúen e se intensifiquen” as xestións diante das institucións comunitarias e o Goberno español de cara a reedición dun novo acordo pesqueiro.
De feito, o deputado popular lembrou que a conselleira do Medio Rural e Mar, Rosa Quintana, xa trasladou á comisaria europea de Pesca, María Damanaki (con ocasión dunha xuntanza celebrado en febreiro de 2011) a importancia de renovar este acordo con Mauritania pola súa transcendencia desde o punto de vista tanto produtivo, como económico e social, e insistiu en que o acordo final de ser renovado debera conter totais garantías de seguranza xurídica de tal xeito que se permita unha actividade pesqueira normal neses caladoiros.
CONDICIÓNS PARA A RENOVACIÓN
A cámara galega modifica o texto inicialmente proposto polo BNG e condiciona a renovación do acordo pesqueiro a que se cumpran unha serie de criterios:
a) manter o número de buques galegos e a súa capacidade extractiva, así como a proporción de tripulantes mauritanios en cada buque e a voluntariedade de descargas en porto,
b) que se ofrezan garantías de seguranza xurídica
c)finalmente, que se vincule o acordo pesqueiro ao importante conxunto de relacións políticas, económicas, comercias e doutro tipo que mantén Mauritania coa Unión Europea.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
