Nota de prensa
SEGUNDA VITORIA DO RIBADEO, ANTE AS BURGAS (3-2)
O Panificadora del Eo-Ribadeo FSF, con máis corazón ca cabeza, conseguiu quedar cos puntos na súa segunda vitoria da tempada ante un novo equipo, Cidade das Burgas (3-2), que esta vez non puido contar con xogadoras de Primeira División por coincidir o horario co desprazamento a Pamplona para enfrontarse ao CD Orvina.
Aínda que foi o equipo local o que dispuxo das mellores ocasións, principalmente nos pés de Nuria no un contra un coa porteira visitante e ao saque dunha falta ao bordo da área, as das Burgas inauguraron o marcador por mediación de Shirley ao desviar fóra do alcance de Antía un balón procedente dun saque de banda. O Panificadora non perdeu a compostura e seguiu acosando a porteira visitante; así, Ana igualou o marcador no minuto 17.
Na segunda metade, as ribadenses subiron un pouco máis as súas liñas e as ocasións presentábanse en ambas as porterías, ata que Nuria aproveitou un saque rápido de Antía para bater a porteira ourensá. A punta rubricouna de novo Ana finalizando unha contra de tiro cruzado e pondo o 3-1 no luminoso. Era o gol da tranquilidade para as locais aínda que no último minuto as visitantes conseguiron reducir distancias cun gol pantasma concedido polo colexiado, moi protestado polo público e as locais ao considerar que o balón non traspasara a liña de meta.
O Panificadora visitará o líder, Fisober de Vimianzo, na próxima xornada.
Provincial feminina. Importante vitoria por 2-3 do Xoula en Outeiro de Rei nun partido dominado de principio a fin polas mozas ribadenses ante un bo Outeiro que loitou pola vitoria ata o último segundo. Ao descanso chegouse con 1-2 a favor das visitantes cun par de goles de Iria. Na continuación foi o Xoula o que, de novo por mediación de Sabela, aumentou distancias. O 2-3 chegou nos minutos finais. Este resultado leva as mariñás á segunda posición (30 puntos). Polo Xoula xogaron Ana, Eva, Yoli, Elvira, Sabela, Iria e Antía. A próxima fin de semana visitará Ribadeo o pechacancelas, Sporting Rábade, que só conta cun partido gañado.
Provincial masculina. Segunda vitoria consecutiva do Ribadeo en Samos por 2-7, resultado que afianza os mariñáns na zona media da táboa en espera de que a vindeira fin de semana poidan quedar cos tres puntos ante a visita do Baralla.
Ficha técnica:
Panificadora del Eo-Ribadeo FS: Antía, Toñi, Sabela, Elena e Nuria (1), cinco inicial; tamén xogaron Elvira, Eva, Ana (2), Arancha e Iria.
Cidade das Burgas FS: Antía, Nahir, Paula, Zaida e Helena, cinco inicial; tamén xogaron Marta, Laura, Shirley (1) Aldara (1) e Candea.
Árbitros: José Luís Naray Álvarez e Vanesa Fernández Fernández, da delegación de Lugo. Mostraron cartón amarelo a Toñi, polas locais.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
