Nota de prensa
MEMBROS DA ASOCIACIÓN VECIÑAL “A MADANELA” DE REMOURELLE, EN RIBADEO, SON FORMADOS POR SOGAMA NA PRÁCTICA DA COMPOSTAXE DOMÉSTICA
En breve, 20 composteiros cedidos por esta entidade pública serán colocados noutras tantas vivendas do pobo co fin de que a materia orgánica producida nas mesmas poida ser convertida en compost, un abono natural con alto poder fertilizante que os usuarios poderán utilizar nos seus xardíns, hortas e terras de cultivo.
Persoal da asociación exercerá as funcións de mestres composteiros e realizarán visitas “porta a porta” co obxectivo de supervisar a técnica e resolver posibles dúbidas que poidan presentar as familias.
Esta tarefa complementarase coa dotación de diverso material didáctico e divulgativo a través do cal a veciñanza disporá de información adicional coa que se pretende garantir o éxito do proxecto.
Ribadeo, a 6 de febreiro de 2012- Con motivo da implantación dun programa de compostaxe doméstica en 20 vivendas do lugar de Remourelle, en Ribadeo (Lugo), os membros da asociación veciñal “A Madanela” recibiron, a cargo de Sogama, un curso intensivo de formación a través do cal explicóuselles con detalle o proceso de fabricación de compost a partir dos residuos orgánicos xerados nos seus fogares, obtendo un abono de alta calidade que poderán utilizar nos seus propios xardíns, hortas e terras de cultivo.
Desta forma, a asociación pretende aportar o seu gran de area na menor produción de refugallos, pechando o ciclo de recuperación e reciclaxe da materia orgánica en orixe, o que evitará o seu depósito nos contedores convencionais, alcanzando importantes beneficios ambientais e económicos.
Sogama será a encargada de proporcionar os composteiros ás familias participantes neste proxecto, uns recipientes de 360 litros de capacidade, fabricados con materiais reciclados e reciclables, nos que o vecindario deberá ir introducindo os restos de alimentos e outros elementos orgánicos producidos, vixiando periódicamente as axeitadas condicións de osíxeno, humidade e temperatura.
Neste sentido, e coa pretensión de garantir o éxito do proxecto, varias persoas do colectivo asumirán as funcións de mestres composteiros, facendo un seguimento do mesmo. Para isto visitarán periódicamente cada casa a fin de avaliar a técnica aplicada, corrixir erros e solventar posibles dúbidas.
Esta tarefa de supervisión verase complementada coa distribución de manuais de apoio nos que se explica con detalle as características da iniciativa, materiais a depositar e non depositar no composteiro, solucións a posibles problemas, aplicacións do compost resultante e vantaxes do mesmo para o solo, dado o seu alto valor nutritivo e fertilizante.
Ademais de todo isto, o material didáctico co que se reforzará os coñecementos adquiridos polos usuarios inclúe información sobre a correcta separación de residuos en orixe e a importancia da colaboración cidadá de cara a garantir o posterior reciclado dos materiais introducidos pola cidadanía nos correspondentes contedores de recollida selectiva, posibilitando o aforro de enerxía e recursos naturais.
EXPERIENCIAS PREVIAS
Xa son varios os concellos da provincia que, no seu momento, decidiron sumarse ao programa de autocompostaxe promovido por Sogama. É o caso de Alfoz, Barreiros, Cervo, Trabada e Lourenzá, na Mariña, incorporando 200 fogares, e máis recentemente Portomarín e Sober, con 50 e 40 vivendas respectivamente.
Todos eles coinciden en sinalar que a experiencia non supón maior complicación para a poboación, tendo en conta que a separación de orgánicos no rural vén sendo unha práctica habitual, ben para elaboración de abono ou ben para alimento do gando.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
