Nota de prensa:
Sonda Norte presentouse formalmente hoxe coma unha plataforma cultural e creativa aberta para
todos aqueles que estean interesados nos contidos culturais, en tódalas súas formas posibles, que se
fan na nosa vila. Co obxectivo de apoiar e difundir a cultura levouse a cabo a primeira das reunións
do colectivo, hai un par de meses máis ou menos. Pasado este tempo, e grazas a unha ampla
participación, Sonda Norte xa deixou de ser unha idea para converterse en algo máis concreto.
Deste xeito, hoxe presentamos a identidade visual do colectivo, levada a cabo por Roberto
Martínez, así como as diferentes propostas que están planeadas para os próximos meses, e que se
adxuntan no presente correo, entre as que se atopan a creación dunha páxina web, a realización
dunha exposición a redor dos grupos de rock ribadenses ou un festival, mirando xa de cara ao verán.
Dende a concepción da cultura como unha forma de crecemento e desenvolvemento, o colectivo
busca revalorizar a cultura popular e alternativa, poñer en releve o traballo dos creadores e
creadoras locais e, mediante o traballo en equipo e a unión de ideas, levar a cabo actividades que
serían imposibles de xeito individual. Todo isto mediante un xeito de organización totalmente
aberto a todos aqueles que se sintan interesados neste proxecto. Á presentación, á que acudiron un
bo número de mozos e mozas da vila que comparten inquedanzas culturais, estivo acompañada por
un “miniconcerto” da formación ribadense Zora Gabbara, composta polos ribadenses Miguel
Fernández “Cherry” e Héctor Peña.
ESTIMACIÓN ABERTA DE PROGRAMACIÓN SONDA NORTE 2012
XANEIRO
Presentación da Coordinadora Sonda Norte, do seu logotipo e das liñas de
traballo para 2012, na Casa da Mocidade
FEBREIRO
Presentación da páxina web
MARZO
Presentación proxecto de voluntariado para creación da Mediateca Sonda
Norte e exposición colectiva na Casa da Mocidade
(banda deseñada e ilustración ou pintura)
ABRIL
Presentación de videoclips producidos por Sonda Norte
MAIO
Presentación de Caderno poético e fotográfico feito por mulleres en
colaboración co Cim e editado por Sonda Norte
XUÑO
Espectáculo danza e música
XULLO
Concerto + Presentación do EP editado por Sonda Norte
AGOSTO
Expo rock ribandense
Xornada audiovisual ribadense
SETEMBRO
Caderno poético + ilustrador/fotógrafo
OUTUBRO
Encontro Social Sonda Norte das Artes e das Ideas. Colectivos culturais e
sociais de mozos de Ribadeo e da Mariña
NOVEMBRO
Concerto presentación do disco rock ribadense
DECEMBRO
Mariñarte
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
