Nota de prensa
18 DE FEBREIRO DA COMEZO EN RIBADEO O CICLO MÚSICA POSIBEIS CO CONCERTO QUE OFRECERÁ JAVIER KRAHE NO AUDITORRIO MUNICIPAL. CATRO SON ESPECTÁCULOS QUE CHEGARÁN Á VILA ATA O VINDEIRO MES DE ABRIL. UNHA TREINTENA DE RESTAURANTES E HOTEIS OFRECERÁN INTERESANTES DESCONTOS AOS ASISTENTES A ESTA CITA.
Ribadeo, 6 de febreiro de 2012. O vindeiro 18 de febreiro da comezo en Ribadeo o ciclo Músicas Posibeis co concerto que ofrecerá no auditorio municipal o cantautor Javier Krahe. O evento presentábase este mediodía no salón de plenos do Concello.
Andrea Motis e Joan Chamorro Group; Maddi Oihenart; e Celia Mur e Nono García, forman un cartel que a concelleira de Cultura, Mariluz Álvarez Lastra, tildou de excepcional. A edil nacionalista referíuse á dificultade dos Concellos para organizar este tipo de eventos “debido aos custes elevados que esto supón xa que un grupo de música, a parte do seu caché, ten unhas condicións técnicas e uns medios que nós non éramos capaces de asumir desde o punto de vista do presuposto de Cultura. Houbo que agudizar o inxenio e contar con xente que colabore e que teña esas iniciativas e nese caso está aquí Rafael Monteavaro, porque foi él quen puxo en marcha este proxecto xa no verán e que quixo da nosa man continuar a facelo ao longo destes meses”.
A edil de Cultura indicou que “a cultura ten que ser un motor económico para a nosa vila, porque das traballo a moitas persoas que viven diso, sobre todo nun momento coma o actual e entedemos que todas as actividades culturais que se fan no noso concello teñen que servir para dinamizar a nosa vila, para que se beneficien os que disfrutan do espectáculo, teñen que servir de atractivo para que xente doutros lugares veña a Ribadeo, consuma en Ribadeo, coñeza a nosa vila e que sirva como punto de referencia, como atractivo cultural e turístico”.
As entradas para asistir á cada concerto custarán 10 euros, aínda que tamén se poñen á venda bonos para acudir aos catro espectáculos por 35 euros. Entradas e bonos poden adquirirse xa en Alandrina Tours en Ribadeo. O primeiro concerto do ciclo Música Posibeis é o de Javier Krahe, que será o 18 de febreiro; Andrea Motis e Joan Chamorro Group actuarán en Ribadeo o 10 de marzo; Maddi Oihenart estará en Ribadeo o 24 de marzo e Celia Mur e Nono García actuarán o 14 de abril. Todos os concertos serán no auditorio municipal Hernán Naval a partires das 21 horas.
Unha treintena restaurantes e hoteis, socios de ACISA, ofrecerán descontos do 10% en ceas e aloxamentos para os días dos concertos. Desta iniciativa beneficiaránse aquelas persoas que presenten as entradas para asistir a algún destes espectáculos. A xerente de ACISA, Beatriz Irigoyen, sinalou que “desde a asociación quixemos contar con certos restaurantes e hosteleiros colaboradores. Éstes, unha treintena, farán descontos a todos aqueles que presenten as entradas dos concertos. Haberá xente que queira pasar unha fin de semana diferente en Ribadeo, veñen ao concerto, cean, durmen e despois aproveitan para visitar a vila, As Catedrais, etc… parecéunos unha idea interesante e así a fixemos”. Irigoyen subliñou que será moita a xente que acuda a Ribadeo a estes concertos chegada desde moitos puntos de Asturias, Cantabria ou Galicia.
Neste aspecto tamén insistía o promotor musical Rafael Monteavaro, que dixo que “xa son moitas as persoas que se están a interesar por este ciclo”. E aludiu ao concertos, de Javier Krahe dixo que “é un mito vivinte da movida madrileña, naceu con Joaquín Sabina e Alberto Pérez na Mandrágora e que ven actuando por multitude de escenarios. Será a primeira vez que estea en Ribadeo e supoñemos que traerá a moita xente. Entende a música sen ataduras e vai semrpe contracorrente”. O segundo concerto será o que ofrecerán Andrea Motis e Joan Chamorro Group, “Andrea Motis é revelación do jazz dos últimos anos, é unha rapaza de 17 anos e que seguramente en breve sería imposible poder traela, porque a escalada que vai ter é increíble. Ven de encher un teatro de 1.400 persoas en Barcelona con entradas que custaron o triple do que se poñen á venda ás de Ribadeo”. Despois chegarán Maddi Oihenart e Celia Mur e Nono García.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
