Un total de 13 locais de restauración participan na XXI Festa do Ourizo de San Ciprián
-Nesta edición participan máis establecementos hostaleiros que o ano pasado
-Os locais prepararán máis de 6.000 quilos do equinodermo en receitas moi variadas
-Haberá degustación deste produto nos establecementos, o tradicional Concurso Gastronómico e as Xornadas Técnicas
Cervo, 28 de febreiro de 2012.-O Concello de Cervo deu hoxe a coñecer o programa completo e o cartel da XXI Festa do Ourizo de San Ciprián que se celebrará o vindeiro 10 de marzo. Antes de presentar os detalles desta edición á sociedade, o alcalde de Cervo, Alfonso Villares e a edil de Turismo, Begoña Alonso, reuníronse cos responsables dos locais hostaleiros participantes para amosarlles o cartel e explicarlles os actos programados para esta cita gastronómica.
Nesta edición serán 13 os bares e restaurantes da localidade os que ofrecerán máis de 6.000 quilos de ourizo cociñado de formas moi variadas. Cabe destacar que o número de establecementos adheridos este ano aumentou con respecto ao ano pasado, sumándose nesta edición de 2012 dous locais máis.
Programa
A Festa do Ourizo é unha cita gastronómica, e como tal, ofrece a cervenses, turistas e visitantes a posibilidade de probar este produto en todo o seu esplendor, procedente das augas da Mariña e preparado polas mans dos cociñeiros locais. Por iso, “é a mellor oportunidade para degustar esta exquisitez e o seu inconfundible sabor a mar”, asegura o alcalde, Alfonso Villares. Como xa anunciamos, son 13 os locais que participan, pero cada un deles preparará o ourizo de formas moi variadas para que as persoas que acudan aos establecementos dispoñan dun amplo menú con diferentes pratos e con receitas que poden ser tradicionais, innovadoras ou a especialidade da casa. Ademais, as charangas e os gaiteiros contribuirán a crear ambiente de festa nesta xornada de exaltación do ourizo.
Pero como xa vén sendo habitual, a Festa do Ourizo non consiste exclusivamente en consumir este produto do mar, senón que ademais, inclúe unha serie de actividades que a fan máis completa e atractiva, que se foron consolidando nos últimos anos e que hoxe son ineludibles. Falamos das Xornadas Técnicas e do Concurso Gastronómico.
As Xornadas Técnicas chegan este ano á súa XII edición. Dous serán os temas ao redor dos que xirará este encontro centrado no ourizo. O primeiro dos relatores será o biólogo viveirense Vicente Prieto González, xefe de coordinación da área do Mar da Xunta de Galicia, que exporá a evolución do plan de rexeneración do ourizo na Mariña lucense. As xornadas continuarán da man do doutor en Bioloxía Antonio Rodríguez Fernández, subdirector xeral de Pesca e Mercados da Pesca da mesma administración autonómica, que falará da valorización do ourizo como produto de pesca.
O Concurso Gastronómico celébrase por undécimo ano consecutivo e nel presentaranse a maior parte dos establecementos hostaleiros participantes na festa. Cada un deles pode concorrer ao certame cun máximo de dous pratos que serán valorados por un xurado multidisciplinar de entre 3 e 5 persoas elixidas entre os asistentes ás xornadas técnicas. Este xurado degustará e puntuará os pratos, valorando sobre todo a súa presentación pero tamén a dificultade na elaboración, o tempo de preparación, o sabor, a orixinalidade e a innovación.
“Con este concurso queremos potenciar la imaginación de nuestros hosteleros y animarlos a innovar en la preparación de un producto tan versátil que se puede elaborar cocido, aderezado con diferentes salsas, en croquetas, en empanada u otras muchas posibilidades”, explica Begoña Alonso. Ao mesmo tempo, engade “es una forma más de hacer atractiva esta fiesta, ya que los visitantes que repiten encuentran cada año nuevas formas de disfrutar de este manjar”.
Unha celebración que naceu como unha demanda do pobo para ensalzar o ourizo e que ano tras ano foi gañando peso en convocatoria e en calidade ata conformar unha festa de prestixio que foi declarada de Interese Turístico Galego no 2008. De feito trátase da cita gastronómica máis tradicional do municipio e a única deste tipo, na que se exalta un produto alimentario, que conta con esta distinción que outorga a Xunta. “Unha festa”, remata Villares, “que sae adiante co esforzo conxunto dos hostaleiros, a confraría de pescadores e o Concello, pero que ademais debe moito a todas as persoas que acoden atraídos por un dos produtos máis tradicionais do noso concello”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
