A Deputación fixa servizos mínimos do 4,8% do persoal para a folga xeral de mañá
– Esta porcentaxe, que representa a 25 traballadores, resposta ós criterios acordados pola institución noutras convocatorias cos Sindicatos, Xunta de Persoal e Comité de Empresa
– Todos os Deputados do PSdeG e BNG secundará a folga, quedando á fronte do organismo provincial o seu Presidente, José Ramón Gómez Besteiro, como máximo mandatario
A Deputación fixou uns servizos mínimos do 4,8% do persoal para folga xeral de mañá en contra da Reforma Laboral que, sen consensuar cos Sindicatos, aprobou o Goberno Central do Partido Popular. Esta porcentaxe resposta ós criterios acordados pola institución noutras convocatorias cos todos os representantes das organizacións Sindicais (UXT, CC.OO, CIG e CIS-F), Xunta de Persoal e Comité de Empresa.
Isto supón, que 25 traballadores asumirán este xoves as “prestacións esenciais” do Boletín Oficial da Provincia, Informática, Comunicación, Parque Móbil, Secretaría Xeral e Servizos Centrais, Asistencia e Asesoramento Xurídico e Técnico ós Concellos, Recursos Humanos, Unidade de Vixilancia e Portería, Vías e Obras, Intervención, Tesourería, Xestión Tributaria e Recadación, Cultura e Deportes, Benestar Social, Rede Museística Provincial, INLUDES, Centro de Artesanía e Deseño e Granxa Gayoso Castro.
Polo que se refire ó Goberno Provincial, todos os Deputados do PSdeG e BNG secundarán a folga, permanecendo á fronte do Executivo o Presidente, José Ramón Gómez Besteiro, como máximo mandatario do organismo lugués. Gómez Besteiro salientou que “coa conformidade de todas as partes, establecemos uns servizos mínimos que garanten o dereito de sumarse á folga xeral ó persoal da Deputación, conscientes de que somos os traballadores ós maiores perxudicados pola Reforma Laboral que vén de impoñer o Partido Popular, rebentando o Estado de Benestar”. Deste xeito, ata o momento e de xeito inicial, está confirmada a participación en distintas manifestacións da provincia dos Deputados de Cooperación cos Concellos, Juan José Díaz Valiño; Deseño e Artesanía, Regina Polín; e Economía do Coñecemento, Emprendedores e Innovación, José Ramón Val Alonso.
Despedir sen causa xustificada a unha persoa que leve 20 anos con contrato indefinido e cunha indemnización de 20 días por ano, así como a un traballador que teña, en dous meses, dúas baixas por enfermidade que sumen nove días; baixar o salario e cambiar as condicións laborais alegando razóns económicas, técnicas, organizativas ou de producción; imposición dos empresarios das horas extras nos contratos a tempo parcial; condicionamento do dereito á xornada reducida por coidado de familiares e limitar o permiso de lactancia; son algunhas das medidas que incorpora a norma dos populares.
Nota remitida
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
