A elite nacional de surf compartirá olas cos que se acheguen esta fin de semana ás praias da Mariña
– Os 18 mellores surfers de España convértense en embaixadores da costa lucense por segundo ano consecutivo grazas ó Km0 Surf- Camp Deputación de Lugo
– Ensinarán as súas técnicas ós que se acheguen esta fin de semana ás praias da Mariña, totalmente gratis, incluído o préstamo de todo o material necesario
– Máis de 100 inscricións a falta de catro días de rematar o prazo, a asistencia confirmada de medios nacionais e internacionais e unha ocupación hoteleira próxima ó 100% en lolcalidades coma Ribadeo ou Foz, aseguran o éxito deste evento
Xa queda menos para que dé comezo a segunda edición do Km0 Surf- Camp Deputación de Lugo. Dende o venres 30 de marzo ata o domingo 1 de abril, a cantidade e variedade de actividades programadas converterá á Mariña en capital española do surf, co engadido de que a elite nacional deste deporte compartirá ás súas técnicas con todos os que se acheguen esta fin de semana ás praias luguesas. 14 homes e 4 mulleres, moitos deles campións internacionais, ensinarán totalmente gratis e co préstamo o material necesario, grazas a unha iniciativa da Deputación de Lugo qye tente facer da Mariña un referente do ocio medioambiental e desestacionalizar o turismo da comarca, hoxe centrado nos meses de verán.
De feito, este evento está sendo xa un éxito. Boa mostra disto son as máis de 100 inscricións rexistradas a catro días do inicio do Surf-Camp. Os interesados poderán anotarse nas últimas prazas dirixidas a todos os membros da familia. Polo momento, o máis novo ten 8 anos e o surfer maior chega ós 57, tendo algún deles experiencia previa e outros para os que esta ocasión será o seu bautizo acuático. Non só dende todas as provincias galegas, senón que outros moitos achegaranse a Lugo procedentes de diferentes puntos da xeografía española: Madrid, León, Bilbao, Asturias son algún deles. Todo o necesario para botarse ó auga pódese conseguir facendo reserva previa en www.facebook.com/km0surfcampdeputacionlugo ou no 982 120 064.
Ademais de participantes e afeccionados a este deporte acuático, son moitos os medios de comunicación especializados que teñen confirmada a súa asistencia, atraídos polo número de surfistas do máis alto nivel que se concentrará na Mariña. Publicacións especializadas, coma a hispano–francesa Surf Limit, a brasileña Parafina; bloggers coma El blog de Occy, The Crazy Guecho, A Remojo; webs de surf coma Fuel Surf –a web nacional de surf máis visitada- Surf Galicia; e membros das Federacións Galega e Española de Surf son mostra de que este é un evento único en Galicia. Se ben a nosa Comunidade é escenario dalgúns campionatos de nivel, esta é a única ocasión na que calquera poderá surfear da man de profesionais destacados e recibir as súas ensinanzas mentres goza coa exhibición da súa técnica.
Unha fin de semana chea de actividades
A programación dará comezo este venres ás 19:00 horas no Cine Teatro de Ribadeo, con entrada gratuíta, coa charla que ofrecerá o campión Kepa Acero e na que dará conta das experiencias vividas durante o seu proxecto “Cinco olas, cinco continentes”, que o levou a dar a volta ó mundo en solitario tentando recuperar o espíritu dos pioneiros, tentando surfear olas nas costas de, por exemplo, Perú, Chile ou Alaska. A continuación, o gañador do Punta Galea EVE Challenge 2012, Adur Letamendía, contará “Cómo surfear olas grandes, mi experiencia personal”, isto é, cales son as mellores técnicas para cabalgar sobre olas de máis de catro metros. Acto seguido, ás 20:00 horas, Jaime Azpiroz ensinará ós asistentes como escoller as táboas e quillas tendo en conta o tipo de olas que se queiran surfear, así como as necesidades de cada un. Para finalizar esta primeira xornada, ás 21:00 horas, proxectarase o película “Year Zero”, premiada como a mellor de surf do ano 2011 por www.surfermag.com e como remate do día, celebrarase un sorteo de agasallos entre os asistentes.
O sábado será o día para botarse á auga. Ás 10:00 horas os surfistas inciarán a exhibición da súa técnica, acompañados dos iniciados neste deporte. A praia que será escenario desta expression session darase a coñecer o venres a través de www.facebook.com/km0surfcampdeputacionlugo, xa que dependerá do estado da mar. Xa pola tarde, na praia focense da Rapadoira, a partires das 16:00 horas, haberá unha sesión de multiactividade na que as familias, ademais de surf, poderán practicar outros deportes acuáticos coma kite-surf, paddle surf, scooter, etc. Pola noite o pub Rockuncho, en Ribadeo acollerá, ás 21:30 horas, a entrega de premios ós gañadores desta expression session e ás 22:30 horas unha cena-concerto, coa actuación do grupo galego “Dirty Socks”. Finalmente, o domingo a partir das 12:00 horas e durante toda a mañá, na praia de Esteiro (Xove) celebrarase unha xornada de surf aberta ó público, na que de novo os campións compartirán olas cos principiantes e daranlles consellos personalizados para mellorar desta modalidade.
Campións de luxo
Kepa Acero -un dos free surfer máis famosos, coñecido polas súas viaxes polo mundo, descubrindo olas case imposibles de surfear-; Adur Letamendía -famoso por surfear grandes olas e actual gañador do Punta Galea EVE Challenge 2012-; Jaime Azpiroz, Gony Zubizarreta – o surfista galego máis laureado, gañador da última edición do San Miguel Zarautz Pro e 2º clasificado no Pantin Classic, 17ª na clasificación para o circuito mundial (WQS)-, Pablo Solar -actual seleccionador da Federación Española-, Indar Unanue, Marlon Lipke -un dos poucos europeos que acadaron clasificarse nos primeiros postos do circuito mundial-, Hodei Collazo -clasificado na 2ª posición do circuito mundial junior-, Pablo Gutiérrez -actual campión de Europa de surf-, Iván Villalba, Luis Rodríguez – segundo surfista galego máis laureado de todos os tempos-, Pablo Romero, Jaji Iglesias, Dani Aznar, Lucía Martiño, Erika Franco -ocupa a terceira posición do surf feminino español-, David Sastre, Yoli Rodríguez e Loiola Canales -campiona de España Sub-18 no ano 2011-, son outros nomes dos 14 homes e 4 mulleres que serán embaixadores da Mariña polo mundo grazas á súa presenza nas praias lucenses.
Selección da promesa da Mariña
O evento, organizado pola Deputación de Lugo, conta coa colaboración de todos os clubes de surf da Mariña: ¡Hola!Ola, de Ribadeo; North Shore Surf Club, de Barreiros; Surfiños, de Foz; The Van, de Viveiro; e Sensación Surf Club, de Foz. Estes clubes, que contan con escolas de surf, serán os encargados de escoller a catro surfistas mariñanos que competirán xunto cos profesionais nas diferentes actividades organizadas. Esta elites será a encargada de seleccionar ó mellor deles, que obterá como premio unha esponsorización completa de material durante un ano por parte da Deputación, para poder competir e converterse tamén en embaixador da Mariña.
De feito, este é un dos obxectivos que se pretenden acadar coa celebración deste evento: dar a coñecer a Mariña fóra de Galicia dun xeito diferente e orixinal, xa que deportes acuáticos, coma o surf, que permiten a súa práctica en calquera época do ano son un elemento inmellorable de promoción turística.
Unha afección que aumenta
A existencia de escolas por toda a xeografía mariñana, que contribúen á aumentar a popularidade deste deporte, e o feito de que a Mariña conte cunha veintena de olas de calidade, fan que a costa luguesa se estea a converter en lugar de referencia para profesionais e afeccionados. Tendo en conta, ademais, que moitas destas olas atópanse fronte algunha das 14 praias luguesas que contan coa certificación de calidade medioambiental ISO 14001, a Mariña permite a práctica do surf nun entorno privilexiado. Iniciativas coma o Surf-Camp convértense deste xeito nun elemento de posta en valor da riqueza medioambiental da zona.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
