Nota de prensa
MAIS AUSTERIDADE = MENOS CALIDADE ASISTENCIAL
A XUNTA DE PERSOAL DA ÁREA NORTE DE LUGO, quere unha vez mais, denunciar publicamente a escaseza de persoal con que está a funcionar o Hospital da Costa.
Pasamos dunha época recente, ano 2009, no que se esgotaban as listas de contratación, ao día de hoxe no que tan só traballan as 5 ou 6 primeiras das listas da nosa área. Non só hai paro no ladrillo, moitas de esas traballadoras e traballadores que antes traballaban no noso Hospital, pasaron agora a engrosar as listas do paro, e outras, “as mais afortunadas”, subsisten con unha penosidade laboral nunca vista na empresa privada, facéndoselle contratos de luns a venres e o fin de semana como descansan, para que se van a contratar?, utilízanse masivamente contratos de 1 día e incluso por 3,5 horas, acadando a precariedade máxima posible na contratación. Todo isto implica mais pobreza para a Mariña, se estes profesionais da saúde non traballan, non teñen cartos que gastar rompendo así a cadea de consumo. Velaquí as medidas que o goberno do PP aplica para acabar co desemprego e coa crise.
A estes traballadores e traballadoras, o Goberno da Xunta os denomina a través dos medios de comunicación como “privilexiados”.
A comezos do ano 2011, o Xerente do Hospital da Costa, José Insua Pernas, mediante declaracións de prensa dicíanos que “o Hospital necesita unha ampliación e ter mais plantilla”. Un ano despois a realidade é ben distinta, a dotación da plantilla segue a ser a mesma pero non cubre as súas ausencias, baixas por enfermidade, vacacións, reducións de xornadas, etc, e reforzos que se mantiñan por riba de plantilla para aliviar a carga de traballo en certos servizos, desaparecen, convertendo o número de traballadores que nos dicía ía aumentar o que fose necesario, nun numero real inferior á plantilla orzamentada.
¿ E que pasa coa calidade asistencial da Mariña?, ó reducir as plantillas por debaixo de mínimos, os profesionais vense desbordados, sobrecargados de traballo e obrigados a establecer prioridades tendo que prescindir de certos coidados, mermando deste xeito a calidade asistencial dos pacientes. O eixo da saúde pública deixa de ser o doente e pasa a ser o aforro. A sanidade pública deteriórase por falta de Recursos económicos e humanos mentres o Goberno da Xunta desvía cada ano partidas económicas maiores destinadas o crecemento das privadas concertadas.
Dende a Xunta de Persoal esiximos o Xerente do Hospital da Costa a cobertura de todo o persoal e que defenda na Mariña e diante da Consellería de Sanidade a calidade asistencial e a sanidade pública.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
