Nota de prensa:
“Trátase dunha solicitude responsable, coherente e necesaria, que permitirá corrixir arbitrariedades que presenta esta norma e protexer os dereitos das persoas”, afirmou Jose Manuel Balseiro
O PARLAMENTO APOIOU A PROPOSTA DO GRUPO POPULAR PARA REVISAR A LEI DE COSTAS E DAR ASÍ SOLUCIÓN Á SITUACIÓN DOS NÚCLEOS DO LITORAL
“A chegada do Partido Popular ao Goberno central supuxo un cambio radical na busca de solucións a estes problemas xerados coa Lei de Costas, fronte ao inmobilismo e o mantemento de situacións inxustas do anterior Goberno socialista”
Santiago, 06 de marzo de 2012.- O Parlamento de Galicia aprobou a proposición non de lei presentada polo Grupo Popular a través da que se demanda á Xunta de Galicia para que se dirixa ao Goberno central ao obxecto de que na reforma da Lei de Costas anunciada por este departamento se proceda ao recoñecemento dos núcleos rurais tradicionais do sistema de asentamentos mariñeiros, que hoxe están a verse afectados pola normativa restritiva sobre deslindes. “Trátase dunha solicitude responsable, coherente e necesaria, que permitirá corrixir arbitrariedades que presenta a Lei de Costas e protexer os dereitos das persoas”, sinalou Jose Manuel Balseiro.
O deputado popular sinalou que esta reforma da Lei de Costas “daría solución a dúas problemáticas existentes no litoral galego: o non recoñecemento da singularidade do sistema de asentos tradicionais de Galicia e a aplicación maximalista dos principios da Lei de Costas, que usurparon dereitos a moitas familias que actuaron de boa fe e se viron prexudicados por unha mala interpretación desta norma”.
“A chegada do Partido Popular ao Goberno central supuxo un cambio radical na busca de solucións a estes problemas xerados coa Lei de Costas, fronte ao inmobilismo e o mantemento de situacións inxustas do anterior Goberno socialista”, sinalou Balseiro. Neste sentido, anotou que “este novo tempo político abre unha porta á esperanza para moitas persoas e familias afectadas en Galicia pola Lei de Costas e que levan moito tempo loitando pola súa modificación”.
REVISIÓN NECESARIA DA LEI DE COSTAS
O deputado popular puntualizou que “a estas alturas xa ninguén dubida que a Lei de Costas de 1988 necesita unha revisión”. “Poderíamos cuantificar nun 80 ou 85 por cento desta lei que sigue vixente, pero é preciso actualizar e modificar ese outro 15 ou 20 por cento de apartados que xeran inseguridade, efectos perversos, inxustizas ou vulneración de dereitos fundamentais”, indicou.
Balseiro explicou que a iniciativa aprobada na Cámara lexislativa galega “pretende trasladar unha mensaxe deste Parlamento ao Goberno do Estado sobre a necesidade de reforma da Lei de Costas, partindo da proposición non de lei xa aprobada o pasado 2010”. Máis en concreto, o obxectivo desta reforma sería o recoñecemento dos núcleos rurais tradicionais, outorgar maior seguridade xurídica e garantías aos cidadáns con vivendas amparadas en licenzas de obra ou simplificar trámites para a modificación de deslindes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
