Nota de prensa
GONZÁLEZ BARCIA AGRADECE ÓS AUTOCARAVANISTAS “A CELEBRACIÓN DO QUINTO ANIVERSARIO DA ÁREA DE AUTORCARAVANAS”. O ALCALDE BURELÉS ANIMOU AOS MEMBROS DE AGA A VISITAR BURELA. MANUEL GIL AFIRMOU QUE “ESTE CONCELLO SEMPRE NOS RECIBIU COS BRAZOS ABERTOS”.
Burela, 17 de marzo de 2012. Na mañá de hoxe, sábado, tivo lugar a asamblea xeral ordinaria de AGA, Asociación Galega de Autocaravanistas, na Casa da Cultura de Burela, aproveitando a concentración de autocaravanas que se leva a cabo esta fin de semana para celebrar o quinto aniversario da área de autocaravanas, ubicada no parque do Campón, e que fora inaugurada no seu día polo alcalde, José María González Barcia.
Os autocaravanistas foron recibidos na Casa da Cultura polo alcalde, José María González Barcia, e pola concelleira de Turismo, Mónica Pedre. O presidente de AGA, Manuel Gil, tivo palabras de agradecemento para o Concello, porque “o Concello de Burela sempre nos tratou ben, a área de Burela foi das primeiras que se abriu na provincia de Lugo, e o fin de semana da súa inauguración o Concello burelés tivo un trato exquisito con nós. Agardamos seguir mantendo estre grado de colaboración”.
Pola súa banda, González Barcia quixo agradecerlle aos presentes “a deferencia de volver a Burela co fin de celebrar o quinto aniversario da área de autocaravanas. Aqueles días foron moi emotivos e significativos, polo que agardo que esta fin de semana tamén o sexa”. O alcalde burelés recoñeceu “o pulo que a presenza de autocaravanistas en Burela significa para certos sectores da economía local, e a divulgación que se lle dá ao concello, polo que vos animo a que sigades visitando Burela, vila que sabe acoller con cariño aos visitantes”.
Esta tarde estaba previsto que os autocaravanistas poidan visitar o Barco Museo Reina del Carmen, e mañá, domingo, ás doce, haberá unha rota a pé desde o porto hasta a praia de A Marosa, para coñecer o relevo costeiro burelés e as súas principias características.