O plan de axuste do Concello de Cervo contempla unha redución da débeda de 1,3 millóns de euros ata 2015.
O plan de axuste do Concello de Cervo fixa un teito de gasto ata o ano 2022
-O rexedor cervense explicoulle aos voceiros dos grupos da oposición as liñas xerais do plan de axuste para os próximos 10 anos
-Un dos principais obxectivos é a estabilidade orzamentaria baseada nos indicadores da capacidade de financiamento e o remanente de tesourería
-A fixación do teito de gasto non afectará á calidade na prestación dos servizos
Cervo, 27 de marzo de 2012-O alcalde de Cervo, Alfonso Villares, reuniuse esta mañá cos voceiros dos grupos municipais na oposición para expoñer as liñas xerais do plan de axuste que deberá ser entregado telematicamente ao Ministerio de Facenda antes do día 31 deste mes. Polo momento o departamento de Intervención está completando o expediente, que estará rematado en prazo segundo anunciaba onte mesmo o rexedor.
O plan de axuste é o documento económico ao redor do que xirarán as políticas orzamentarias durante os próximos dez anos que no caso do Concello de Cervo está baseado en dous principios: a diminución do gasto sen reducir a calidade dos servizos prestados; e a estabilidade financeira e orzamentaria.
Unha das medidas máis importantes que se contemplan no plan de axuste é a fixación dun teito de gasto ata o 2022, que permitirá manter unha liña económica sólida e enmarcada dentro duns límites de xestión moi precisos. Aínda así a edil de Facenda, Tania González, aclara que o establecemento dun teito de gasto será totalmente compatible co “mantemento da calidade dos servizos que se prestarán ata o 2022”. Un plan que tamén contempla a redución paulatina dos custos de persoal.
Con estas medidas, o goberno local garante que as políticas orzamentarias que se levarán a cabo durante o actual mandato e ao longo dos próximos 10 anos “non hipotecarán o futuro económico do municipio que xa estaba hipotecado de abondo coa débeda ás entidades financeiras que recollemos cando chegamos ao goberno no ano 1999” explica a edil de Facenda, que lembra que daquelas “o Concello lle debía aos bancos 3,8 millóns de euros mentres os seus ingresos eran de 2,3 millóns”. Por iso, o plan contempla unha redución da débeda cifrada en 1,3 millóns de euros ao longo do actual mandato, é dicir, ata o 2015.
En canto ao capítulo de ingresos, o plan establece unhas previsións de mínimos, prudentes e baseadas en cálculos realizados sobre os ingresos obtidos nos exercicios de 2009, 2010 e 2011.
Outro dos obxectivos principais deste plan é o mantemento da estabilidade orzamentaria, que se pode medir segundo dous indicadores: a capacidade de financiamento e o remanente de tesourería para gastos xerais. Segundo os datos achegados no plan, tanto as contas de 2009 como as de 2010 arroxan un resultado positivo nestes dous medidores pero, aínda así, o documento establece novos axustes que permitan mellorar as posibilidades de financiamento e garantan o obxectivo da estabilidade.
A responsable de Facenda recoñeceu que o plan de axuste require esforzos pero “non nos resultará difícil de poñelo en práctica xa que levamos anos traballando para mellorar a saúde económica das arcas municipais”. González explica que en 12 anos as obrigas pendentes de pagamento a provedores pasaron de máis de 3 millóns de euros no ano 1999, a 731.000 euros no ano 2011. “Agora temos que continuar nesa liña de optimización da xestión económica que iniciamos cando chegamos ao goberno no ano 99” engade a concelleira.
Remitido
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
