Nota de prensa
A Reforma Laboral do PP so axuda ás clases mais podentes da sociedade en prexuízo da maioría social que verá reducidas bruscamente as súas condicións laborais e económicas
Os nacionalistas presentan unha iniciativa para pedir ao pleno o rexeitamento desta medida.
Para Estúa a súa aplicación xerará mais desemprego e non reactiva a economía con consecuencias no comercio cunha caída aínda maior do consumo.
Cervo, 2 de marzo de 2012. O BNG ten rexistrado para o seu debate en pleno unha moción de rexeitamento do Real Decreto Lei 3/2012 de Medidas Urxentes para a reforma do mercado laboral. Para os nacionalistas esta medida, aínda pendente do trámite parlamentar, constata as intencións do actual goberno central de aproveitar a crise económica para desmantelar os dereitos sociais e laborais das maiorías sociais en beneficio dos mercados e da gran patronal. En Cervo ninguén sairá beneficiado xa que o noso tecido social e económico esta formado pola pequena e mediana empresa, asalariados e comerciantes que non mellorarán as súas condicións socioeconómicas pola ausencia de estímulos para a reactivación económica e a caída do consumo.
No tecido socioeconómico do noso concello ninguén sae beneficiado con esta reforma laboral
O portavoz municipal, Xoán Antón Estúa, explicou que no tecido socieconómico do concello de Cervo coa sola excepción da multinacional Alcoa, “cuxos problemas non están precisamente na carga laboral, non hai ninguén beneficiado por esta reforma que nin crea estímulos para a reactivación económica, nin axuda á xeración de emprego, mais ben ao contrario”. Neste sentido o nacionalista incidiu en que “nin esta nin a actual reforma axudarán a crear emprego e si golpean de gravidade os dereitos laborais e económicos das maiorías sociais con consecuencias tamén no comercio” pola redución do poder adquisitivo.
Nin a anterior reforma aprobada polo goberno do PSOE nin a actual axudan a reactivar o mercado laboral
É evidente que a anterior reforma laboral aprobada polo PSOE non axudou en nada a reactivar o mercado laboral, tampouco o fará a actual que é unha continuación da anterior e ambas si serviron para recortar os dereitos laborais e económicos dos asalariados. Para Estúa “é contraditorio que no Estado Español, coas taxas de desemprego mais altas da UE, se diga que o problema está nun mercado laboral ríxido, si fora así non habería mais de 5 millóns de persoas sen emprego.”
Supresión da Reforma Laboral, mellora das relacións laborais negociada cos representantes sindicais e estímulo da economía para a xeración de emprego.
A proposta que o BNG leva a pleno pasa pola supresión da reforma laboral, por acometer unha mellora das relacións laborais, en base ao consenso e negociación cos representantes sindicais, que protexa ás persoas traballadoras fronte á precariedade laboral e inclúa medidas de estímulo da economía para a xeración de emprego de xeito inmediato. Estúa ademais engadiu que no eido económico os nacionalistas defenden medidas como a creación dunha banca pública que abra a billa do crédito, unha reforma fiscal que faga pagar mais a quen mais ten, control do fraude fiscal, redución dos gastos militares ou supresión das deputacións e dos ministerios que invaden competencias do goberno galego.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
