Tropezón do segundo clasificado da Liga Senior de Bolos de Xove que non conseguiu puntuar

Nota de prensa

XXIIIª TIRADA DE BOLOS – XIIª SUB 16 –  IIIª LIGA FEMININA

(TEMPORADA  2011/2012)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA 16ª  TIRADA

(CENTRO SOCIAL DE VILACHÁ – Sábado, 3 de marzo de 2012)

Liga Senior Masculina.- O máis interesante desta tirada foi o fiasco do segundo clasificado, quen non foi siquer capaz de puntuar. Francisco Pérez, que estaba a realizar unha segunda volta da Liga estupenda, con opcións incluso de acceder ao liderato, veu truncada a súa racha debido a que fallou totalmente na terceira bolada, dahí que ao non  puntuar, e si facelo o líder Arturo Vigo, quédase a 17 puntos, a falla dun máximo de 26 puntos por disputar (12+1 e 12+1) das tiradas de Morás e Sumoas. Por detrais, en terceira posición temos a José Rafael González, a 15 puntos de Francisco, que tamén ten moi difícil, inda que non matemáticamente, subir un escalón na clasificación. Polo tanto, moito teñen que cambiar as cousas nas duas tiradas que faltan para que varíe a clasificación nos tres primeiros postos.  Outro feito destacado desta tirada foi o ascenso dende a 8ª á 4ª posición de Jose Vigo, gracias aos 10 puntos obtidos nesta tirada.

Liga Senior Feminina.- Victoria de Dolores Baño que lle permite afianzarse na terceira posición, pero nada máis. A segunda posición nesta tirada e a mellor bolada, permítenlle á líder Carmen Roca afianzar a súa posición e aumentar a ventaxa con respecto á Belén Meitín,  sendo agora de 8 puntos, o que a falla de dúas tiradas, pode ser definitivo. Vai ser moi difícil que Belén lle saque eses 8 puntos a Carmen nas tiradas que quedan, pero bueno, matemáticamente inda é posible.

Liga Sub 16.- Salomé non participou nesta tirada, pero inda así dispón dunha ampla renda de 10 puntos sobre o seu inmediato perseguidor Daniel López. Daniel realizou unha estupenda tirada neste campo, cun tanteo realmente espectacular, o que lle permiteu ademáis facerse, polo momento, coa mellor bolada de todo o campionato nesta categoría. Os 69 puntos da mellor bolada de Daniel vai ser difícil que sexan batidos nas dúas tiradas que quedan. Por outra banda, Daniel sigue a pelexa con Isaias Cardoso pola segunda posición final, ampliando esta semana a súa vantaxe de 1 a 4 puntos, os cales poden ser moi importantes ao final, dado as poucas probas que quedan.

A vindeira tirada terémola o SÁBADO 11 DE MARZO NO CAMPO DO CENTRO SOCIAL DE MORÁS.