As comarcas da Mariña, Ribeira Sacra e A Montaña copan as rutas de Km0 desta semana, nas que participan 300 persoas
– Veciños de Lugo, Begonte, Taboada e Foz coñecerán entre hoxe e o mércores as riquezas culturais e medioambientais do Vicedo, As Nogais, O Courel, Ribadeo, Monforte e Sober
– O Presidente recibiu este luns a 55 alumnos das Aulas da Terceira Idade de Lugo e a 48 persoas anotadas de xeito individual, que fixeron as rutas Illa Coelleira e Torre de Doncos
As comarcas da Mariña, Ribeira Sacra e A Montaña copan os destinos das rutas do programa medioambiental Km0 da Deputación de Lugo organizadas para esta semana, das que gozarán 302 veciños de Lugo, Begonte, Taboada e Foz. Os participantes coñecerán nos itinerarios programados para entre hoxe e o mércores as riquezas culturais e medioambientais, así como as principais características socioeconómicas dos Concellos do Vicedo, As Nogais, O Courel, Ribadeo, Monforte e Sober.
O Presidente, José Ramón Gómez Besteiro, recibiu este luns no Salón de Actos do Pazo de San Marcos ós dous primeiros grupos da semana: 55 alumnos da delegación lucense das Aulas da Terceira Idade de Galicia (ATEGAL) e 48 persoas anotadas de xeito individual, que gozaron das rutas Illa Coelleira e Torre de Doncos, respectivamente. Trala recepción en San Marcos, o primeiro grupo coñeceu o Centro de Interpretación Terras do Miño, no paseo lucense do Rato, para desprazarse logo ó Vicedo, onde comeu no restaurante Area Grande e visitou a Ponte de Ferro, Estaca de Bares, Miradoiro do Semáforo, dende o que se ve Illa Coelleira, a praia de Arealonga e o porto vicedense. En canto ó segundo colectivo, despois da recepción do Presidente, achegáronse ás instalacións da Fundación TIC, comeron no restaurante Urogallo das Nogais, e visitaron o pazo de Doncos, e a torre e a igrexa de Torés.
A programación continuará mañá martes con sendos itinerarios por O Courel e Ribadeo, dos que gozarán, respectivamente, 48 integrantes da Asociación Veciñal de Gaibor, en Begonte, e 55 usuarios da residencia da terceira idade de Taboada. Con respecto ó grupo de Begonte, coñecerán o Centro de Interpretación Terras do Miño, e, xa no Courel, os castros de Vilar e da Torre, e aldea de Seceda. A comida terá lugar na casa de turismo rural Ferreiro. Pola súa banda, os taboadeses achegaranse ás instalacións do Centro de Artesanía e Deseño (CENTRAD), comerán no restaurante ribadense O Cabazo, farán unha travesía pola ría da localidade mariñana, subirán no ascensor panorámico do peirao de Porcillán e pasearán polo casco histórico da vila.
O mércores concluirá o programa con dúas rutas pola Ribeira Sacra. Deste xeito, 48 integrantes da Asociación de Autónomas Empresarias de Lugo, tras coñecelo mazo de Santa Comba, viaxarán a Monforte de Lemos para comer no Bodegón Ribeira Sacra e visitar o Pazo de Tor e o Museo do Ferrocarril. Un grupo de 48 socios do colectivo cultural O Castro de Vilaronte, de Foz, achegarase pola súa banda ó Centro de Interpretación Terras do Miño, comerá no restaurante Parada 2 de Sober e gozará dun paseo en catamarán por Doade.
Como inscribirse
Todos os interesados en participar en Km0 poden inscribirse chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, ademais de facelas reservas dun xeito rápido e sinxelo, dende a propia casa e a calquera hora do día, calquera día do ano, os participantes teñen un desconto do 10% no custe das actividades.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
