O VINDEIRO XOVES CELEBRARÁSE UN PLENO EXTRAORDINARIO NO CONCELLO PARA QUE A CORPORACIÓN MUNICIPAL SE MANIFESTE A FAVOR DO TRABALLO REALIZADO PARA CONSEGUIR UNHA RESIDENCIA DE MAIORES EN RIBADEO.
Ribadeo, 17 de abril de 2012. O xoves, 19 de abril, celebraráse un pleno extraordinario no Concello de Ribadeo para que a Corporación se manifeste a favor de todo o traballo realizado co fin de conseguir unha residencia de maiores na vila. O alcalde, Fernando Suárez, que tamén é presidente da comisión institucional pro residencia, agarda que os e as ribadenses acudan á manifestación convocada para o domingo pola plataforma de asociacións veciñais.
O rexedor explicou que “no día de onte, atendendo a unha convocatoria que nos facía a plataforma de asociacións de veciños que desde hai tempo veñen traballando para reivindicar a creación dunha residencia da terceira idade en Ribadeo, xuntamos a esta comisión institucional da que formamos parte as diferentes formacións políticas da Corporación de Ribadeo xunto tamén con esta plataforma, e acordamos celebrar un pleno extraordinario no Concello”. Suárez Barcia contou que “será este xoves, 19 de abril, ás 9 da mañá e onde a Corporación se manifestará a favor de todo este traballo que se leva facendo, social e institucionalmente, para conseguir unha residencia de maiores en Ribadeo, sabendo das dificultades económicas que pasan todas as administracións, pero sabendo tamén que temos que dar o mellor de nós, desde o punto de vista político, e antepoñer os intereses de Ribadeo por enriba de calquera outro de tipo político e partidario”.
Para o alcalde ribadense “este pleno ven revestir de formalidade algo no que xa levábamos tempo traballando e con certa sintonía entre todos. Este pleno é tamén produto dun texto conxunto, que estamos a elaborar entre todos, para que todos o poidamos apoiar de maneira unánime a ser posible, ou máis que posible sería recomendable”.
Fernando Suárez lembrou que “o vindeiro domingo, 22 de abril, haberá unha manifestación convocada pola plataforma de asociacións de veciños en Ribadeo e todos os representantes dos grupos políticos que nos reunimos onte no Concello prestámoslle o noso apoio e alí estaremos a título individual ou colectivo, pero será boa cousa que os veciños e as veciñas de Ribadeo tamén presten o seu apoio a esta manifestación acudindo a ela”.
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
