Un especial do Km0 Surf-Camp , prato forte de varios programas de televisión
– Este sábado ás 20:30 horas o programa de V Televisión emitirá un especial sobre a iniciativa da Deputación de Lugo celebrada os pasados días 30 e 31 de marzo e 1 de abril
– A canle internacional de TVE emitirá o vindeiro 21 de abril ás 13:30 horas unha reportaxe sobre todo o acontecido durante a fin de semana que reuniu a elite nacional de surf nas praias da Mariña
– A calidade do evento que reuniu á elite nacional de surf nas praias da Mariña acaparou a atención de medios especializados españois e estranxeiros
O Km0 Surf-Camp Deputación de Lugo será o tema estrela que inaugurará a segunda tempada do programa Ojo de Pez. Durante a fin de semana do Surf-Camp, as cámaras de V Televisión deron cobertura a todo o que acontecía tanto no mar coma fóra del e, este sábado a partires das 20:30 horas, emitirán unha reportaxe especial que recolle os mellores momentos do evento de ocio deportivo e medioambiental que tivo lugar nas praias da Mariña os días 30 e 31 de marzo e 1 de abril.
Este programa é o primeiro adicado exclusivamente ó surf de todas as televisións do país. A través de reportaxes e entrevistas ofrecen unha ampla cobertura de todo o relacionado co surf nacional e internacional e contan coa colaboración de destacados surfistas coma Gony Zubizarreta ou Jaji Iglesias, profesionais do surf que foron dous dos 19 campións que ensinaron os seus mellores trucos e técnicas a todos os participantes do Km0 Surf-Camp.
Á reportaxe emitida no programa de V Televisión hai que sumar a que a canle internacional de TVE, que a través da súa canle internacional, emitirá o vindeiro 21 de abril, ás 13:30 horas, unha programación especial que recollerá os mellores momentos vividos na costa luguesa durante a fin de semana na que a Mariña foi referencia para o mundo do surf.
Ampla cobertura nos medios de comunicación
Outros medios de información xeral que tamén adicaron parte dos seus espazos a informar sobre este evento foron a cadea de televisión La Sexta, que ofreceu unha reportaxe do Surf-Camp na edición de sábado dos seus informativos e a TVG, que informou das actividades desenvolvidas en programas coma A Solaina ou Revista de fin de semana.
O interese suscitado por este evento fixo que foran moitos os medios especializados, tanto españois coma estranxeiros, que se desplazaron ata os areais mariñanos os tres días de duración do evento. Ata 15 medios de comunicación cubriron en directo as actividades programadas. Publicacións especializadas coma a hispano–francesa Surf Limit, a brasileña Parafina; bloggers coma El blog de Occy, The Crazy Guecho, A Remojo; webs de surf coma Fuel Surf ou Surf Galicia seguiron moi de preto a evolución dos campións e afeccionados no mar e que, en breve, irán ofrecendo reportaxes sobre esta cita. O Surf-Camp estivo presente en diarios da rede coma 20 minutos.es, que.es, diariosigloXXI.com, elperiodico.com, elimparcial.com ou público.es; as edicións dixitais de xornais coma ABC ou La Nueva España; os portais yahoo.com ou msn.com e plataformas de vídeo coma youtube.com ou dalealplay.com cubriron as actividades que tiveron coma escenario as praias da Mariña.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
