O VI ENCONTRO DE PALILLEIRAS TERÁ LUGAR O VINDEIRO 12 DE MAIO. ESTA EDICIÓN ESTÁ ORGANIZADA POLA ASOCIACIÓN CULTURAL E ARTESANAL DE MULLERES PALILLEIRAS DE BURELA E POLA FUNDACIÓN EXPOMAR.
Burela, 13 de abril de 2012. O VI Encontro de Palilleiras terá lugar o vindeiro 12 de maio. Esta edición está organizada pola asociación cultural e artesanal de mulleres palilleiras de Burela e pola Fundación Expomar. O alcalde, José María González Barcia, lembrou a vinculación deste arte co mundo do mar e anunciou a celebración de varias actividades paralelas a este evento, que convertirá a Burela no centro de atención da Mariña, de Lugo e de Galicia.
O rexedor agarda que “sexan moitas as persoas que se acheguen a Burela durante esa fin de semana a disfrutar dun arte vencellado co mundo do mar. Todos temos oído falar en moitas ocasións que pola zona das Rías Baixas e da Costa da Morte é moita a tradición dos bolillos e das palilleiras. As mulleres dos mariñeiros agardaban a chegada dos seus homes diante das portas das súas casas facendo bolillos”.
González Barcia dixo que “desde hai seis anos se ven celebrando este encontro en Burela, que pouco a pouco foi medrando, e nesta edición tentamos que se vencelle moito máis co mundo do mar. Estamos barallando a posibilidade de organizar unha conferencia para que se explique esa unión e esa relación entre este arte e o mundo do mar”. O alcalde anunciou que “tamén estamos tentando configurar ao longo desa semana algunha outra actividade máis para, como ven sendo habitual en Burela cando se celebra a feira Expomar, aínda que neste 2012 non a hai, ser capaces de organizar actos para que Burela sexa centro de atracción da Mariña, da provincia de Lugo e de Galicia. Queremos organizar unha semana de actividades en maio, cando non se celebre a feira Expomar”.
O rexedor burelés subliñou que “por primeira vez a Fundación Expomar participa na organización deste encontro de palilleiras”. No acto de presentación, que tivo lugar esta mañá no Concello, estiveron ademáis do alcalde, as concelleiras de Cultura, Mar e Servizos Sociais, o patrón maior da cofraría de pescadores, a xerente da Fundación Expomer e varias representantes da asociación cultural e artesanal de mulleres palilleiras de Burela.
Remitido
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
