HOXE DA COMEZO A SÉTIMA EDICIÓN DO RIBADEO DE TAPEO. 51 MESÓNS, BARES E RESTAURANTES OFRECERÁN AS SÚAS PROPOSTAS ATA O VINDEIRO 27 DE MAIO. A CITA INCLÚE TEATRO, MÚSICA E OUTRAS MOITAS ACTIVIDADES.
Ribadeo, 18 de maio de 2012. Hoxe arrinca a sétima edición do concurso gastronómico Ribadeo de tapeo. Un total de 51 mesóns, bares e restaurantes ofrecerán as súas propostas ata o vindeiro 27 de maio. O prezo da tapa será de 1,30 euros. Esta cita coa cociña en miniatura inclúe actividades como teatro, música, un cumio de cociñeiros de Galicia e Asturias e premios para os que acudan a degustar 20 ou 51 tapas.
O alcalde, Fernando Suárez, dixo que “un clásico xa en Ribadeo é esta cita que hoxe da comezo, chegamos á sétima edición dunha iniciativa que creamos no Concello e na que contamos con apoios doutras institucións como poder a Deputación Provincial de Lugo. Este ano tentamos coller o mellor de todas as edicións anteriores e incluíndo novos ingredientes como teatro, música, actuacións na rúa, para encher Ribadeo de son e de cores”.
O rexedor explicou que “nesta sétima edición participan 51 bares, mesóns e restaurantes da vila de Ribadeo, pero tamén das parroquias como Remourelle, Rinlo ou Vilaframil. Todos os clientes que queiran disfrutar do Ribadeo de tapeo, dunha ruta ou de varias, terán que ir non só pola vila, senón tamén polas parroquias”.
Suárez Barcia subliñou que haberá premios e novidades importantes, “os que obteñan 20 selos do Ribadeo de tapeo poderán obter varios premios, como por exemplo fins de semana en casas de turismo rural e voltamos a dar o premio a aqueles valentes que realicen a ruta enteira. Éstes participarán no sorteo para facerse co selecto premio ao larpeiro ou á larpeira de ouro. Algún dos premios inclúe unha volta en avioneta, cousas innovadoras para este 2012. Hai un facebook especial para o Ribadeo de tapeo, tamén vinculamos a restauración cos hoteis e cos hostais e así creamos os Soños gastronómicos, onde a xente que acuda a esta cita terá e se aloxe aquí obterá descontos nas pernoctas do 15% e ao mesmo tempo poderán participar nunha ruta express e no sorteo de agasallos”.
Durante estes 10 días tamén haberá teatro, música, no auditorio, na Casa das Letras, pola rúa, “haberá iniciativas singulares e pintorescas, a xente de Sonda Norte pintará no centro de Ribadeo todas as tapas das alcantarillas, imos encher Ribadeo de cores, imos facer atractivo estar en Ribadeo, tapear en Ribadeo, falar cos amigos en Ribadeo… queremos convidar como todos os anos desde a Área de Desenvolvemento Local e Turismo a toda á xente da Mariña luguesa e do Occidente de Asturias e do resto do país a que repitan e veñan a Ribadeo. As tapas serán novidosas, a hostalería vai dar o mellor de sí, vai ofrecer o mellor da cociña en miniatura para facer unha festa durante os 10 días do Ribadeo de tapeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
