COMEZA A ANDADURA LARANXA CARA AO PARAÍSO DA ELITE
Achégase a hora da verdade. O Burela FS Pescados Rubén comeza mañá a andadura cara ao paraíso da elite. Manzanares FS, segundo clasificado na liga, será o primeiro obstáculo, en Vista Alegre (18.45 horas), para cumprir co soño laranxa da Primeira División Masculina, no que se converterá na sétima tentativa do conxunto burelista, coincidindo co décimo aniversario de club.
“Chegar ata aquí xa é unha recompensa; agora temos que loitar para conseguir o premio do ascenso” asegurou o capitán da nave laranxa, Juanma, ao que engadiu: “No vestiario o único que se respira é ilusión e ganas; sufrimos moito durante a liga, pero o play off non ten nada que ver. É un episodio novo no que podemos escribir a verdadeira historia do Burela FS cara á Primeira División”.
O Burela FS saltará á pista da bomboneira arroupado polo apoio incondicional da Marea Laranxa e moi motivado para facerse cos tres puntos e marcar a vantaxe na eliminatoria, ante un rival veterano e moi forte, que na súa pista tan só cedeu terreo ante o Playas de Castellón (3-3), na súa primeira tempada en Segunda. Vista Alegre loitará por materializar as boas sensacións que subxacen no imaxinario laranxa tras o 10-3 da liga.
Julio Delgado poderá contar con todo o vestiario, a excepción da consabida ausencia de Bebeto e coa posibilidade de darlle algun minuto máis a Purao, baixo mínimos nas últimas semanas por unha lesión de menisco. No bando castelán, non poderá participar Zamo, sancionado cun partido de suspensión tras a expulsión da semana pasada ante o Gáldar.
O cadro mariñán disputará en terras castelás o segundo encontro da eliminatoria o venres 25, ás 20.45 horas. No caso de ser preciso, o terceiro partido decidirá o gañador do cruzamento o domingo, a partir das 19.30 horas, no pavillón municipal de Manzanares, para medirse ao triunfador de Sala 5 Martorell-Fuconsa Jaén
O resto dos enfrontamentos deste comezo de play off están previstos tamén para o sábado: Unión África Ceutí-Marfil Santa Coloma (20.00 horas), Sala 5 Martorell-Fuconsa Jaén (18.00 horas), UMA Antequera-Gáldar Gran Canaria (18.00 horas).
Entradas. Quen aínda non se fixera coa súa entrada para o trepidante encontro, poderá adquirila mañá en Vista Alegre; a venda estará aberta dende as 17.45 horas. As tarifas para os SOCIOS/AS da entidade serán de 3 euros (imprescindible presentar carné 2011-12) e os NON SOCIOS/AS deberán abonar 10 euros. Todos os afeccionados/as que acudan á bomboneira este sábado poderán acceder ao sorteo dun Time Force, reloxo oficial da LNFS, durante o descanso.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
