O programa Km0 da Deputación potencia o turismo interior con preto de 5.400 desprazamentos nos últimos seis meses
– Veciños de toda a provincia redescubriron os recursos medioambientais, culturais e económicos de Lugo en 120 rutas no semestre que vai da cuarta tempada do proxecto
– A Deputada de Economía, Pilar García Porto, recibiu este martes a 48 integrantes da Asociación de Veciños Santa Eulalia de Santalla, de Riotorto, e a 55 da Asociación de Viúvas Julia Minguillón de Lugo, que percorreron a Zona Sur e A Mariña
O programa Km0 da Deputación de Lugo contribuíu a potenciar o turismo interior na provincia con preto de 5.400 desprazamentos nos últimos seis meses, isto é no que vai da cuarta tempada do proxecto. Veciños de toda a provincia redescubriron os recursos medioambientais e culturais de Lugo nas 120 rutas que tiveron lugar neste período, ademais de dinamizar a actividade económica de sectores estratéxicos, como a hostalería, o comercio, a actividade agroalimentaria ou a artesá.
O Km0 continúa nesta terceira semana de maio con catro rutas, que realizarán 206 veciños da provincia. O programa desenvolverase este martes e mañá, pois o xoves, Día das Letras Galegas, non haberá actividades por ser xornada festiva. A Deputada de Economía, Recadación e Facenda, Pilar García Porto, recibiu hoxe no Salón de Actos de San Marcos ós dous primeiros colectivos da semana: 48 integrantes da Asociación de Veciños Santa Eulalia de Santalla de Riotorto e 55 da Asociación de Viúvas Julia Minguillón de Lugo. O primeiro grupo continuou o itinerario visitando as instalacións do Centro de Artesanía e Deseño (CENTRAD) da Deputación para viaxar logo a Chantada, onde comeu no restaurante Mogay. Coñeceu despois a presa e o pobo de Belesar, a ruta de sendeirismo de Pesqueiras e a bodega Vía Romana. O grupo lucense, pola súa banda, trala recepción en San Marcos, desprazouse a Pozo do Ollo, comeu no restaurante Area Grande do Vicedo e achegouse á Ponte do Ferro, Estaca de Bares, Illa Coelleira, praia de Arealonga e porto vicedense.
Na xornada de mañá mércores, 48 persoas anotadas no Km0 de xeito individual percorrerán a Zona Sur visitando o Museo do Viño de Monforte, os Muíños de Antero, e as bodegas e a ruta de sendeirismo de Vilachá, na Pobra do Brollón. Ademais, 55 alumnos do CEIP Fondo Nois de Foz coñecerán o CENTRAD, darán un paseo polas inmediacións do Miño, a muralla e o seu centro de interpretación, a catedral e as Termas. A comida terá lugar no restaurante lucense os Robles.
Como inscribirse
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
