Nota de Prensa 01/05/2012
A Agrupación socialista de Foz reuniu en torno a duascentas persoas na tradicional celebración do 1º de maio.
Como é habitual o longo dos anos os socialistas focenses conmemoran esta festa do día do traballo cunha comida na area recreativa do Bispo Santo.
Veciños e veciñas, afiliados e simpatizantes reúnense, tras asistir moitos de eles as manifestacións convocadas no 1º de maio polos diferentes sindicatos, co fin de poñer un broche ás celebracións deste día compartindo mesa e mantel con diferentes personalidades do partido.
Este ano estivemos acompañados polo ex-ministro Pepe Blanco, polo presidente da Deputación José Ramón Goméz Besteiro, polo Senador e Secretario Xeral Lucense Ricardo Varela, polos parlamentarios Sonia Verdes e Ismael Rego, pola vicepresidenta da deputación Lara Méndez e por concelleiros e compañeiros das agrupacións de Alfoz Barreiros, Cervo, Lourenzá, Outeiro de Rei, Riotorto, Viveiro e compañeiros da UXT.
As intervención que fixeron cara os asistentes tanto o portavoz socialista Pepe Rivera , como o Presidente da Deputación Besteiro ou Pepe Blanco, xiraron en torno ao ataque sen precedentes que esta levando a cabo o actual goberno do PP, coa reforma laboral e os recortes en areas tan sensibles como a dependencia a sanidade ou a educación.
Todos eles apelaron a unidade de todos e cada un dos socialistas para ofrecer unha alternativa factible ao goberno de Mariano Rajoy e ao goberno en Galicia do Sr Feijóo. Consideraron que esta batería de medidas adoptadas polo Goberno Central e o da Xunta, eses recortes aos que se empeñan en chamar reformas, non serven para xerar traballo nin confianza, incrementando as desigualdades sociais de maneira alarmante. Mentres se favorece con unha amnistía fiscal aos defraudadores castigase aos traballadores con unha situación de gran precariedade na que poden ser despedidos con moita mais facilidade, soben os impostos, conxelan o salario mínimo, rompen a negociación colectiva cos traballadores e sindicatos dando un poder unidireccional e case sen limite os empresarios. Subir as taxas universitarias, recortar en educación ou facer pagar polos medicamentos aos pensionistas é obsceno mentres non se persiga o fraude fiscal. Recortar sen reforzar as políticas de crecemento solo pode traer mais recesión e mais desemprego.
Todos eles quixeron mostrar o seu apoio aos traballadores, parados, xoves, pensionistas ou emigrantes afectados por esta vaga de recortes, trasladándolles que teñen o Partido Socialista da súa parte na defensa dos seus dereitos.
Remitido
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
