A PRAIA DAS CATEDRAIS TIVO POR PRIMEIRA VEZ VOZ DIRECTA EN EUROPA. O ALCALDE MANTIVO UN ENCONTRO COA DIRECTORA XERAL DA NATUREZA E BIODIVERSIDADE DA COMISIÓN EUROPEA EN BRUXELAS. SUÁREZ BARCIA EXPLICÓULLE QUE SE TRATA DUN AREAL QUE XENERA MOITO TURISMO E RIQUEZA, PERO QUE ÁS VECES SOFRE SERIAS AMEAZAS DEBIDO Á CANTIDADE DE VISITAS QUE RECIBE. EN NOVEMBRO HABERÁ UNHA NOVA XUNTANZA CON REPRESENTANTES DA UE EN RIBADEO.
Ribadeo, 22 de xuño de 2012. Por primeira vez a praia das Catedrais tivo voz directa en Europa. Ocorría esta mañá no encontro que mantiveron en Bruxelas o alcalde de Ribadeo, Fernando Suárez, e a directora xeral da Natureza e Biodiversidade da Comisión Europea, Pia Bucella. O rexedor amosóuse moi satisfeito á saída da xuntanza e anunciou que o vindeiro mes de novembro Ribadeo acollerá un encontro ao que acudirán representantes da Comisión Europea para coñecer in situ a praia das Catedrais, a súa riqueza e tamén as ameazas que sofre a diario.
Suárez Barcia dixo estar moi satisfeito tras esta xuntanza que acabo de manter aquí en Bruxelas coa directora xeral da Natureza e Biodiversidade da Comisión Europea, Pia Bucella, “aquí por primeira vez a praia das Catedrais tivo voz directa en Europa e aquí lles plantexamos a situación que temos. Este areal é un instrumento que xenera moito turismo, que atrae riqueza, pero que ás veces sofre serias ameazas debido á cantidade de visitas que recibe. Tamén lles contamos cómo é o Concello de Ribadeo, prácticamente en solitario con algo de apoio da Deputación Provincial de Lugo, quen está a regular todo ese ecosistema e todo o que se xenera ao longo do ano arredor desa praia”.
O rexedor explicou que “o que lles propoñíamos é a necesidade de facer un plan de usos e servizos da praia das Catedrais, non só co Concello e coa Deputación senón tamén co Ministerio de Medio Ambiente e co goberno galego. Desde a Comisión Europea indícannos que gobernos, coma o galego, teñen ata finais de ano para presentar o que eles denominan como marcos prioritarios de acción e onde deben ter en conta estes espazos tan laureados da Rede Natura 2000, como é a praia das Catedrais, para presentar programas de acción que tamén desde a UE poden recibir financiamento”.
O alcalde anunciou “o compromiso moi importante para Ribadeo dado que desde Bruxelas concretamos ter en novembro unha xuntanza na nosa vila con representantes da Comisión Europea, á que estarán convidadas ademáis das autoridades locais tamén representantes do goberno do Estado e da Xunta de Galicia para falar da Rede Natura e nós especialmente para abordar o caso de Ribadeo e da nosa praia das Catedrais. Queremos que vexan en directo a riqueza ambiental e a aportación económica que nos xenera este areal porque eu creo que este caso, como a propia directora xeral dicía, é singular na Rede Natura no que a natureza corresponde cun valor económico, de aí que todos teñamos que traballar en conxunto todas as administracións e impulsado tamén pola UE para que As Catedrais sigan a ser unha fonte de riqueza, e que non matemos entre todos a galiña dos ovos de ouro”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
