A Xunta gastará 138 mil euros na reposición dos tellados das vivendas sociais da rúa do Río en Burela

A XUNTA DE GOBERNO CONCEDEU LICENCIA DE OBRA PARA A REPOSICIÓN DOS TELLADOS DAS VIVENDAS SOCIAIS DA RÚA DO RÍO. O PRESUPOSTO ASCENDE A 138.000 EUROS E O PRAZO DE EXECUÓN É DE DOUS MESES. GONZÁLEZ BARCIA SUBLIÑA QUE A XUNTA CUMPRE CO COMPROMISO ADQUIRIDO COAS FAMILIAS QUE RESIDEN NESES INMOBLES.

Burela, 26 de xuño de 2012. A xunta de goberno concedeu hoxe licencia de obra para a reposición dos tellados das vivendas sociais da rúa do Río. Os traballos contan cun orzamento de 138.000 euros, sufragados na súa totalidade pola Xunta, e o prazo de execución é de dous meses. O alcalde considera que se trata dunha boa nova para os veciños deses inmobles.

José María González Barcia lembrou que “se trata dunha obra demandada desde hai tempo polos propios veciños. Ten un presuposto de contrata de 138.000 euros, incluidos todos os impostos, e un prazo de execución de dous meses”. E explicou que “consistirá na reposición dos tellados que son de uralita e que teñen un certo deterioro. A Xunta de Galicia antes de entregar estas vivendas de xeito oficial aos seus lexítimos propietarios procederá a arranxar eses tellados”.

A obra está financiada ao 100% pola Xunta de Galicia, “foi o propio goberno galego o que sacou a contratación esta obra, mediante un negociado sen publicidade”, dixo o rexedor.

Para González Barcia “ésta é unha consecución importante pola propia natureza da obra, xa que si se van entregar unhas vivendas despois de pasar 25 anos desde a súa adquisición polos que van ser os seus propietarios, o lóxico é pensar que as entreguen nunhas condicións óptimas para a súa habiltabilidade”. O alcalde sinalou que “aínda que esta obra se demorou un pouco no tempo hai que recoñecerlle ao conselleiro de Medio Ambiente, Transportes e Infraestructuras, Agustín Hernández, a través do Instituto Galego da Vivenda e Solo, o traballo realizado para levar adiante esta obra”.

O alcalde de Burela indicou que “esta obra ía ser feita polo goberno bipartito da Xunta, pero non foron capaces de sacala adiante. É unha boa noticia para a vila. A Xunta que preside Alberto Núñez Feijóo cumpre co compromiso que tiña adquirido cos veciños que habitan esas vivendas e co PP de Burela. E isto é para alegrarse”. José María González Barcia agarda que “a empresa adxudicataria das obras faga os traballos canto antes. É un bó momento, porque esperamos que no mes de xullo non se rexistren moitas precipitacións e confiemos en que non se produzan incidentes que poidan causar perxuizos aos veciños que habitan neses bloques”.

O alcalde e os concelleiros de Obras e Servizos Sociais, Manuel Fernández Valle e Diana Durán, visitaron esta mañá aos veciños das vivendas sociais da rúa do Río para informalos do acordo que hoxe se adoptou na xunta de goberno.