Na actualidade, 57 concellos teñen o Pxom adaptado á Lei do solo, dos cales 22 aprobáronse nesta lexislatura
A Xunta outorga aprobación definitiva ao Plan Xeral de Ordenación Municipal do Concello de Xove
· A orde de aprobación emitida pola Secretaría Xeral de Ordenación do Territorio verifica que se corrixiron as observacións formuladas na anterior orde con data de febreiro de 2011, ao reducirse as áreas de expansión dos núcleos rurais e xustificar e modificar os urbanizables propostos
· A Xunta promoveu a creación dun grupo de traballo formado por técnicos das dúas administracións para avanzar no documento ata axustalo a referida Orde
· plan xeral que substituirá ás Normas Subsidiarias vixentes dende 1993 e contou cunha axuda por parte da Xunta de 140.000 euros para a redacción do seu planeamento
Santiago, 13 de xuño de 2012.- A Consellería de Medio Ambiente, Territorio e Infraestruturas outorgou a aprobación definitiva ao Plan Xeral de Ordenación Municipal do Concello de Xove (Lugo).
A Secretaría Xeral de Ordenación do Territorio e Urbanismo trasladou hoxe ao Concello a orde de aprobación definitiva, despois de analizar a documentación presentada o pasado 15 de maio polo concello lugués, e comprobar que se corrixiron as deficiencias sinaladas nunha anterior Orde de Non Aprobación, emitida o 4 de febreiro de 2011.
Nesta Orde indicábase a necesidade de axustar as delimitacións do solo de núcleo rural e as súas áreas de expansión afectadas polas servidumes sectoriais. Así como xustificar a necesidade dos urbanizables residenciais propostos axustando o modelo de ordenación, aos principios de utilización racional do solo e desenvolvemento sostible que demanda a lexislación vixente, artigos 4.e), 52.2 e 52.3 da LOUG; e artigos 2 e 10 do TRLS 2008.
O PXOM entrará en vigor 20 días despois da publicación da normativa e ordenanzas no Boletín Oficial da Provincia (BOP), previa publicación da Orde no Diario Oficial de Galicia (DOG).
Tramitación
A Xunta de Galicia concedeu ao concello de Xove un total de 140.000 euros para redactar o plan xeral que foi contratado en outubro de 2004. Un ano máis tarde (novembro de 2005) a Secretaría de Ordenación emitiu un informe previo á aprobación inicial. O 9 de xuño de 2009 o concello aprobou inicialmente o seu plan e o someteu a información pública .
Durante a tramitación do plan xeral recabáronse os informes sectoriais, de costas, estradas autonómicas, fomento, telecomunicacións, patrimonio cultural, augas e portos. Mediante resolución do 21 de decembro de 2009 a Secretaría Xeral de Calidade e Avaliación Ambiental publicou a memoria ambiental correspondente ó procedemento de avaliación ambiental estratéxica.
O 15 de marzo de 2010, o Pleno municipal aprobou provisionalmente o documento do PXOM que foi remitido o 23 de novembro de 2011 á Xunta para Aprobación Definitiva. O 4 de febreiro de 2011 o Conselleiro ditou Orde de non aprobar e traslada un informe ao concello sinalando as deficiencias.
A Xunta promove a creación dun grupo de traballo formado por técnicos de ámbolas dúas administracións para axilizar a modificación do documento.
O 15 de maio de 2012, o Concello de Xove presenta achega á Xunta un exemplar completo do PXOM e anexo complementario do expediente administrativo aprobado anteriormente no Pleno de 9 de maio de 2012. O 12 de xuño de 2012, o conselleiro dita Orde de aprobación definitiva do PXOM de Xove.
22 PXOM aprobados nesta lexislatura
Así, este concello convértese na segunda administración local en aprobar o plan xeral en 2012 e no vixésimo segundo plan que a Xunta aproba no que se leva de lexislatura. Cómpre lembrar que durante estes anos a aprobación de plan xerais foi a seguinte:
-2009 ( 5 concellos): Vilar de Barrio, Rairiz de Veiga, Vigo, Sober e Laxe.
-2010 (8 concellos): Pedrafita do Cebreiro, Touro, Teo, Cualedro, Valga, Arnoia, Muros e Dodro.
-2011 (7 concellos): Outes, Tui, Cenlle, Beade, Boborás, Lugo e Moaña.
-2012 (2 concello): Cortegada e Xove.
Actualmente dos 315 concellos galegos:
249 concellos, o 79% réxense por un planeamento xeral:
– 57 teñen un PXOM adaptado a lei vixente (192 non)
– 162 están redactando un PXOM (31 non)
66 concellos, o 21 % non teñen planeamento, ou está suspendido ou anulado:
– 64 xa empezaron a redactar un PXOM.
– 2 concellos nin teñen planeamento, nin están redactando un PXOM acorde coa lei vixente: Abadín e Ribeira de Piquín, da Provincia de Lugo.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
