Costas acomete traballos de acondicionamento na praia do Torno en San Cibrao

13 Xuño, 2012

Cervo recoloca a area da praia do Torno para acondicionala de cara ao verán

-Os traballos estanse realizando con maquinaria pesada achegada polo servizo provincial de Costas
-Ao remate das tarefas, a area estará en condicións idóneas para o goce de veciños, visitantes e turistas

Cervo, 13 de xuño de 2012-O servizo provincial de Costas de Lugo está nestes días acometendo traballos de acondicionamento na praia do Torno. En concreto, trátase das tarefas necesarias para recuperar o perfil de verán, é dicir, a recolocación da area co obxectivo de estendela e devolverlle á praia o aspecto e as condicións ideais para o seu goce.

Uns traballos que é preciso facer cada verán despois de que as mareas, o curso dos ríos, neste caso o Covo, ou a incidencia do vento despracen a area. Cabe destacar que a recolocación realízase coa area da propia praia utilizando maquinaria pesada.

A recuperación do perfil de verán na praia do Torno foi solicitada a Costas polo Concello de Cervo tendo en conta a proximidade da temporada de baño. O alcalde, Alfonso Villares, e a edil de Turismo, Begoña Alonso, achegáronse ata o areal para comprobar o avance dos traballos, que rematarán hoxe despois de varios días. O rexedor agradeceu ao servizo provincial de Costas “a súa colaboración para acometer unhas tarefas imprescindibles”.

Villares lembrou que anteriormente era a Deputación a que axudaba ao Concello co achegamento de maquinaria e operarios, pero “nos últimos 5 anos o actual goberno provincial deixou de prestar este apoio”. O mandatario cervense explica que “en numerosas ocasións o Concello enviou escritos solicitando axuda para acondicionar as praias, colaboración que foi denegada” polo que “tivemos que recorrer ao servizo provincial de Costas”.

A edil de Turismo destacou a relevancia de acometer estes traballos “inecesarios para que vecinos, visitantes y turistas se encuentren la playa en perfectas condiciones y puedan pasear, bañarse o jugar con total normalidad” explica Alonso.