O BNG PEDIU NO PLENO O MANTEMENTO DOS POSTOS DE TRABALLO E AS CONDICIÓNS LABORAIS DOS CADROS DE PERSOAL DE ALCOA E AS EMPRESAS AUXILIARES
Non é de recibo que o PP abandone as súas responsabilidades de financiamento nos servizos sociais comunitarios ao tempo que esixe á deputación que aporte o 100% para o mantemento do servizo.
Pilar Armada substituirá no cargo de concelleira a Pilar Álvarez por renuncia desta última polo que o BNG pide que se aforren os 21.000 anuais que se lle pagaban até agora no seu contrato como asesora.
Cervo, 1 de xuño de 2012. O BNG destacou do pleno celebrado onte na corporación municipal de Cervo a negativa do Partido Popular a apoiar unha emenda unha iniciativa que pedía o mantemento dos postos de traballo e condicións laborais dos cadros de persoal de ALCOA e as súas empresas auxiliares. Nos asuntos a debate tamén se trataron dás mocións para o financiamento do SAF básico: unha do PP que instaba á deputación a financiar os servizos sociais comunitarios, para o BNG tardía por que a deputación xa ten asumido o mantemento do 100% deste servizo por acordo plenario no ente provincial e irresponsábel xa que pola contra o mesmo PP negouse a apoiar a moción nacionalista que sobre o mesmo tema pedía corresponsabilidade económica por parte da Xunta de Galiza para o mesmo servizo que este ano deixa en cero as axudas aos concellos para o mantemento do SAF básico. A sorpresa do día chegou co renuncia da concelleira Pilar álvarez a favor da até agora asesora, Pilar Armada que cobraba por este posto 21.000 euros anuais. O BNG agarda que a eliminación do cargo de asesora supoña o aforro do salario para Pilar Armada e non un simple cambio de responsabilidades sen ningún aforro para as arcas municipais.
O BNG pediu mediante unha emenda que ao tempo que se lle pide ás administracións un esforzo económico para asegurar a viabilidade de ALCOA que este se condicione ao mantemento do emprego e condicións laborais.
O portavoz municipal nacionalista, Xoán Antón Estúa, lamentou que o PP non fora sensíbel á necesidade de mantemento dos postos de traballo e as condicións laborais dos cadros d persoal da factoría ALCOA e empresas auxiliares. O nacionalista que apoiou a moción do PP para garantir á multinacional un subministro enerxético a uns custes que permitan a súa viabilidade e competitividade, lembrou que si as administracións públicas se lles pide un esforzo para chegar a este fin, estas e a propia ALCOA deben ter en conta que o fundamental é manter o emprego e as condicións laborais existentes na actualidade. O nacionalista criticou ao PP por negarse a apoiar esta emenda que simplemente engadía aos puntos de acordo a aposta polo emprego na comarca.
O PP demostrou no debate sobre o financiamento dos servizos sociais a súa falta de sensibilidade cos mais necesitados ao tempo que corre a salvar da quebra aos bancos dirixidos polos seus militantes.
Mentres a deputación xa garantiu o financiamento ao 100% dos servizos comunitarios básicos mediante acordo plenario, o PP segue negando a corresponsabilidade económica da Xunta de Galiza que este ano rebaixou a cero as axudas aos concellos de menos de 20.000 habitantes. O nacionalista Estúa comparou o apoio económico recibido polo concello nos últimos dous anos para os servizos sociais básicos para non dependentes que no aportado pola deputación que en 2010 multiplicou por tres a axuda prestada pola Xunta, no 2011 multiplicouse por cinco e no 2012 será do 100% xa que a Xunta porá cero euros para o SAF básico. Estúa acusou ao PP de ser insensíbel coas necesidades sociais, sanitarias ou educativas das maiorías sociais e correr en auxilio da quebra da banca privada que dirixen os seus militantes, como sucede con Bankia.
Os nacionalistas agardan que a eliminación do posto de asesora que ocupaba Pilar Armada supoña un aforro económico e non un simple cambio de cromos.
A renuncia no pleno de onte do posto de concelleira da edil Pilar álvarez para ser substituída pola ate agora asesora da alcaldía, Pilar Armada, debe incluír tamén o aforro dos 21.000 euros que cobraba anualmente a asesora. “Non tería sentido que mentres se prescinde de servizos e postos de traballo no concello, sigamos mantendo a un grupo de goberno preocupado unicamente de cobrar a fin de mes”, afirmou Estúa. Os nacionalistas agradecen os servizos prestados pola até onte edil de xuventude e igualdade, Pilar álvarez, “que exerceu as súas funcións cun perfil mais ben baixo” e demandan da nova edil que tomará posesión proximamente “que veña a traballar e non so a cobrar”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
