JORQUERA COMPROMETE O APOIO DO BNG PARA ASEGURAR A CONTINUIDADE DE ALCOA NA MARIÑA
Reclama do Goberno Central unha tarifa eléctrica a prezos competitivos e do Goberno da Xunta que cumpra o seu compromiso co gasoducto até a factoría
O candidato do BNG á presidencia da Xunta reuniuse con representantes dos traballadores da factoría principal e das industrias auxiliares
San Cibrao, 4 xullo 2012.- O candidato do BNG á presidencia da Xunta, Francisco Jorquera, comprometeu o apoio do BNG para asegurar a continuidade da fábrica de Alcoa na Mariña.
Jorquera, acompañado do vicepresidente da Deputación de Lugo e responsábel comarcal do BNG, Antonio Veiga, mantivo esta mañá unha reunión con representantes dos traballadores da empresa principal e das auxiliares para analizar a situación da factoría.
O candidato nacionalista recoñeceu que “existe unha preocupación entre os traballadores porque hai unha serie de factores que poñen en risco a continuidade de Alcoa na Mariña”, unha factoría que é o gran sostén económico da comarca, pois xera máis de 2.000 empregos directos e representa preto do 34% do PIB da provincia de Lugo.
Tarifa eléctrica e gaseoducto
En concreto, Francisco Jorquera lembrou que “Alcoa está afectada negativamente polas modificacións no réxime da tarifa eléctrica que se aprobaron no Estado, e a fin de ano vence o actual contrato co subministrador eléctrico”.
Neste sentido, anunciou que “o BNG considera imprescindíbel que se asegure que os grandes consumidores eléctricos como ALCOA sigan tendo unha tarifa preferente que non lles represente máis custos, porque simplemente a electricidade representa o 40% dos custos de produción de ALCOA e unha tarifa eléctrica competitiva é imprescindíbel para o mantemento da actividade na factoría”.
Outro dos asuntos que se analizou na reunión foi o do subministro de gas, imprescindíbel para substituír ao fuel-oil que alimenta as caldeiras de ALCOA, polo gas, máis barato e menos contaminante. Neste sentido, Francisco Jorquera amosou “a preocupación do BNG porque o gaseoducto para fornecer o gas a ALCOA non avanza, malia que o goberno do PP na Xunta comprometeuse hai un ao que no prazo dun ano estarían avanzadas as obras, pero estas nin sequera se iniciaron”.
Evitar a deslocalización de ALCOA da Mariña
O candidato do BNG á presidencia da Xunta advertiu de que estes dous problemas “prodúcense nun contexto no que ALCOA está intentando deslocalizar a súa actividade”. Así, lembrou que as factorías da Coruña e Avilés sufriron un recorte na produción do 50%, hai sendos ERE´s que afectan aproximadamente ao 50% do cadro de persoal, mentres ALCOA está facendo un forte investimento noutros países, como Arabia Saudita, onde vai contruir una factoría que terá o triple de capacidade de produción que a de San Cibrao.
Por iso, Francisco Jorquera subliñou que “o BNG considera imprescindíbel que se adopten todas as medidas necesarias para evitar a deslocalización de ALCOA, e para que siga producindo ao 100% da súa actividade na Mariña, pois é fundamental para a economía da comarca”.
Iniciativas do BNG no Congreso dos Deputados
Ante esta situación, Jorquera lembrou que “no Parlamento de Galiza houbo acordos unánimes para apoiar a continuidade da actividade de ALCOA na Mariña, pero non se fixo nada a nivel de Estado”.
“Polo tanto -anunciou-, como portavoz do BNG no Congreso comprométome a trasladar estas demandas ao ámbito do Estado para que sexan tidas en conta polo Goberno, especialmente no relativo a prezos da electricidade”.
O candidato do BNG á presidencia da Xunta concluíu que “igual que hai políticas que discriminan positivamente na tarifa eléctrica a rexións como as illas Canarias, tamén se debe contemplar que en Galiza, e en especial na Mariña, hai grandes industrias como ALCOA para as que dispor de enerxía a prezo competitivo é fundamental para que podan manter a súa actividade no noso país”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
