UNHA PRIMEIRA PARTE PROMETEDORA NON LLE CONCEDE AO BURELA FS O BILLETE PARA A FINAL DA COPA XUVENIL
O Burela FS Pescados Rubén non puido chegar á final da Copa FGF Liga Nacional Xuvenil ao caer o sábado, ante a afección laranxa, fronte ao Autos Lobelle (3-6). A primeira parte prometedora dos de Iván Cao, con potencial, pegada e poderío físico, non tivo a continuidade necesaria tras o descanso, que converteu o empate 1-1 nunha vantaxe notable dos composteláns.
Os burelistas comezaron o partido con intensidade e na primeira parte tutearon o conxunto santiagués. Vista Alegre puido presenciar un xogo laranxa compacto e sen fisuras, con posibilidades de chegar ao ecuador por diante no marcador.
No reinicio, os de Iván Cao encaixaron dous goles moi seguidos que fixeron tremer a disposición dos mariñáns. A concentración laranxa reduciuse drasticamente co 1-3, que tamén viu minguados os seus efectivos coas expulsións de Souca e Carracha cando pelexaban pola remontada con 2-5. Aproveitando a superioridade numérica, o Lobelle subiu o sexto; a tres minutos para o final chegou o 3-6 para os burelaos.
Dobrete para o Azkar Lugo. Os transportistas conseguiron o segundo título da tempada en Burela, tras a liga, despois de impoñerse na final do domingo ao Lobelle (5-2). En semifinais derrotaron o AD Bueu (7-4). Os trofeos foron entregados polo director xeral do Burela FS, José Luis Sáez Castro, como representante da Federación Galega de Fútbol, e o tenente de alcalde de Burela, Manuel Fernández Valle.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
