O concello de Burela contratará 10 socorristas para vixiar as praias durante o verán

O CONCELLO INICIOU HAI DÍAS OS TRÁMITES PARA A CONTRATACIÓN DOS 10 SOCORRISTAS QUE VIXIARÁN AS PRAIAS DE BURELA DURANTE O VERÁN. O ALCALDE AGARDA QUE COMECEN A TRABALLAR CANTO ANTES.

Burela, 29 de xuño de 2012. O Concello iniciou o mércores os trámites para a contratación dos 10 socorristas que vixiarán as praias de Burela durante este verán. O alcalde, José Mª González Barcia, asegura que “estamos á espera de que o servizo de empleo realice todos trámites pertinentes para que comecen a traballar canto antes”.

O rexedor sinalou que “pola nosa parte estamos a axilizar o proceso e os prazos ao máximo”. González Barcia tamén indicou que as bandeiras azuis que recibiron as praias de Burela non se izarán ata que eses areais non conten con servizo de socorrismo.

A praia de A Marosa contará con tres socorristas ao igual que a praia urbana e a de Ril contará todos os días cun socorrista e os domingos con dous.