NA MARIÑA INCREMENTOUSE O DESEMPREGO NUN 52% DENDE XUÑO DE 2009 A XUÑO DE 2012.
O Plan Lugo Impulsa a pesar da propaganda mediática do PP, non xerou nin un so posto de traballo na comarca.
Manuel Parga afirmou que a comarca está en situación de emerxencia pola masiva destrución de emprego e a ausencia de alternativas económicas e sociais que compensen o declive económico.
Xoán Antón Estúa acusou aos goberno galego e estatal de ser cómplices na destrución do tecido económico dunha das comarcas máis dinámicas de Galiza.
A Mariña, 29 de xuño de 2012. O BNG por medio do parlamentario Manuel Parga Núñez e o Vice- responsábel Comarcal, Xoán Antón Estúa, ofreceron hoxe datos da alarmante situación que se está a vivir na comarca da Mariña, unha das máis dinámicas do pais, e que dende fai tres anos, coincidindo coa chegada do PP ao goberno da Xunta, sofre u declive sen precedentes sen que o goberno galego achegue medidas de impulso e apoio para paliar esta situación. Os nacionalistas afirmaron que o incremento do desemprego na comarca dende xuño de 2009 foi dun 52% con medres absolutos de preto de 2.000 persoas até maio deste ano. Os nacionalistas mariñaos puxeron en relación a propaganda mediática do PP co Plan Lugo Impulsa e a realidade, afirmando que este plan que pretendía ser o motor de cohesión económica entre a Galiza occidental e oriental convértese en papel mollado xa que non xerou nin un só posto de traballo.
A Mariña incrementou nos últimos tres anos un 52% a taxa de desemprego ao tempo que perdeu poboación nun 1,2%
Manuel Parga ofreceu datos alarmantes sobre a perda de emprego na comarca dende xuño de 2009 a xuño de 2012 cunha escalada que supera as medias do conxunto do país e do Estado, segundo o nacionalista, mentres na Mariña o paro incrementouse nun 52%, en Galiza nun 38% e no conxunto do Estado nun 32%, “estas cifras poñen e evidencia que as destrución de emprego na nosa comarca medra por riba das medias galegas e estatal, e isto, acompañado dunha perda de poboación no mesmo período do 1,2%, demostra o fracaso do goberno de Feijoo que pasou de ofrecerse como solución á crise a ser unha máquina de destrución masiva en políticas de emprego e dinamización económica.”
Ás noticias sobre empresas sometidas a EREs e procesos concursais súmase agora a ameaza dunha deslocalización de ALCOA por non ter garantías dun subministro enerxético que manteña a súa competitividade.
Para os nacionalista os datos están claros, “nos últimos tres anos as únicas noticias sobre emprego que se deron nesta comarca foron negativas, non se ofreceu ningún dato esperanzador para dinamización económica e a Xunta de Galiza estivo ou ausente ou foi cómplice activo na destrución de postos de traballo”. Xoán Antón Estúa lembrou os casos de Mobles Hermida , ECAR ou cerámicas de Sargadelos onde o goberno galego, “non se sabe realmente o que fixo, o que si está claro é que non evitou a perda de emprego e tampouco ofreceu planos de acompañamento social nin alternativas de emprego” . A estas empresas sumou o concurso de acredores de Construcións Mon, a situación de parálise de Gres Burela, a pesar das axudas públicas recibidas leva tres anos con 39 traballadores parados e outras que están se anuncian a curto prazo que ademais ten efectos demoledores no pequeno comercio que sofre as consecuencias da paralización no consumo.
Os nacionalistas ademais, denunciaron a situación de incertidume sobre as necesidades enerxéticas de Alcoa, “cun PP dedicado á propaganda e un Ministro de Industria que non sabe, non contesta” cando se lle piden garantías para a continuidade da empresa na nosa comarca. Para Xoán Antón Estúa e Manuel Parga, “a pelota está no tellado do PP no goberno do estado por que o goberno galego xa sabemos que so se dedica a remitir cartas e o PP a presentar mocións que nin sequera teñen en conta a garantía de mantemento dos postos de traballo.”
O Plan Impulsa Lugo, un gran paquete propagandístico sen efectos reais na xeración de emprego
Segundo explicou Manuel Parga, o Plan Impulsa Lugo que naceu segundo o PP, para tentar corrixir as desigualdades no desenvolvemento económico entre as comarcas mais activas do país e outras con menos grao de actividade, “é un auténtico fracaso vendo os seus resultados en termos de emprego”. Os dados na nosa comarca reflicten claramente que este os 12 millóns, que segundo o PP se investiron na nosa comarca con este plan non xeraron nin un so emprego e incluso unha das dúas empresas beneficiadas segue paralizada e sen recuperar actividade produtiva. Para o nacionalista, con propaganda non se xera emprego e o PP segue mais obsesionado no recorte dos dereitos sociais e en sair con urxencia a rescatar a banca que en solucionar os problemas da xente.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
