O PP de Mondoñedo presentará alegacións ás ordenanzas fiscais e de tráfico aprobadas en solitario polo PSOE e o BNG
Os BOP do 19 e 26 de xuño de 2012 recollen a publicación dunha serie de ordenanzas, entre elas, a aprobación provisional de ordenanzas fiscais e a reguladora en materia de tráfico
O Partido Popular de Mondoñedo presentará alegacións a decisión de prohibición absoluta de aparcamento na zona do Seminario e da Fonte Vella plantexando alternativas e esixindo algunha modificación no resultado da obra
O Grupo Municipal do Partido Popular ponse a disposición dos veciños para a tramitación de calquer tipo de alegación que se desexe tramitar tanto de forma individual como colectiva
Mondoñedo, 29 de xuño de 2012- O Partido Popular de Mondoñedo presentará alegacións ás ordenanzas fiscais e reguladoras de tráfico cuxas tramitacións provisionais aparecen recollidas no Boletín Oficial da Provincia do 26 de xuño, número 146, tras ser aprobadas en solitario polo PSOE e o BNG da localidade nas pasadas sesións plenarias e cuxo prazo de reclamación é de 30 días dende a publicación do citado anuncio no BOP.
As ordenanzas fiscais cuxa aprobación provisional aparecen recollidas no citado BOP son a nº 41 reguladora do prezo público pola participación con venta de produtos e demais actividades desenvolvidas no Mercado Medieval; a nº 21 reguladora da taxa dos cursos impartidos pola Escola Municipal de Música; a nº 43 reguladora do Prezo público pola prestación de Servizos de Axuda no Fogar; e a nº 42, reguladora da taxa de prestación do servizo de Escolas Deportivas Municipais. O Partido Popular presentará alegacións a algunhas destas ordenanzas, sustentadas no feito de que as taxas deben gravar segundo criterios progresivos, é dicir, a maiores ingresos, maior debe ser a taxa impositiva, unha iniciativa en consenso coa política emprendida polo PP: “O que máis ten, que máis pague”.
Pola súa banda, o BOP do 26 de xuño tamén recolle o anuncio da aprobación provisional dunha serie de regulamentos e ordenanzas: modificación da ordenanza nº34 reguladora de Tráfico e Circulación; Regulamento nº23 de Servizo de Axuda no Fogar e Ordenanza nº 25, reguladora das axudas de rehabilitación de vivendas. Neste caso, tras manifestar ata agora unha postura crítica en relación a política reguladora de tráfico emprendida polo bipartito, o Grupo Popular presentará tamén alegacións a decisión do BNG e do PSOE de prohibir o estacionamento na zona da Fonte Vella e do Seminario sen plantexar alternativas ao respecto.
Ademais, en materia de tráfico o Partido Popular pedirá accións concretas por parte do goberno municipal. Así, solicitará a retirada “inmediata” dos obstáculos, que sen ningunha medida de seguridade nin finalidade produtiva, se recollen ao longo da zona do Seminario e da Fonte Vella. Tanto é así que o banco de pedra ubicado no entorno da Fonte Vella provocou fai días a colisión dun vehículo contra este obstáculo.
Dende a publicación no BOP, os veciños dispoñen dun prazo de 30 días para a presentación de alegacións. Dado isto, o Partido Popular de Mondoñedo ponse a disposición dos veciños que desexen presentar calquera tipo de alegación individual ou colectiva en relación con estas ordenanzas.
O Grupo Municipal do Partido Popular tamén informa aos veciños que no BOP do 19 de xuño aparecen recollidas a transcrición íntegra dunha serie de ordenanza aprobadas en Mondoñedo. O Boletín do 19 de xuño recolle a ordenanza reguladora da apertura de establecementos para o exercicio de actividades non sometidas á obtención de licenza ou outro medio de control preventivo; a ordenanza fiscal reguladora da taxa por outorgamento de licencias urbanísticas e a ordenanza fiscal reguladora da taxa pola realización de actividades administrativas con motivo da apertura de establecementos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
