A portavoz de Conservación da Natureza, Emma Álvarez Chao, salientou “o avance notorio nesta lexislatura en materia de clarificación de usos no medio rural coa modificación da Lei do Solo e co Plan Director da Rede Natura 2000”
O GRUPO POPULAR SOLICITA INDEMNIZACIÓNS COMPENSATORIAS PARA AS ACTIVIDADES AGROGANDEIRAS E FORESTAIS QUE SE ESTABLEZAN EN REDE NATURA 2000
“Solicitamos que se revisen as zonas da proposta de ampliación que foron obxecto de procesos de concentración, así como naqueles casos que existan predios de eminente vocación agrícola e forestal, sen valores ambientais significativos, se estude a posibilidade de excluílos na proposta de ampliación definitiva”, sinalou Álvarez Chao
Santiago, 28 de xuño de 2012.- O Parlamento de Galicia aprobou hoxe unha proposición non de lei presentada polo Grupo Popular a través da que se propón que na Política Agraria Común para o período 2014-2020 se contemple a necesidade de ter en conta indemnizacións compensatorias polas limitacións ambientais para as actividades agrogandeiras e forestais que se establezan en territorio da Rede Natura, así como incentivos específicos para as novas actividades agrogandeiras e forestais que se establezan nestas zonas.
A portavoz de Conservación da Natureza do Grupo Popular, Emma Álvarez Chao, salientou esta tarde no Parlamento “o avance notorio que se está a producir nesta lexislatura en materia de clarificación de usos no medio rural coa modificación da Lei do Solo, que permite, con carácter excepcional, aos concelloscon máis do 40 por cento da superficie en Rede Natura usos prohibidos para os solos rústicos de protección de espazos naturais; e co Plan Director da Rede Natura 2000 en Galicia, que está pendente do informe da Asesoría Xurídica para ser publicado no Diario Oficial de Galicia”.
Así mesmo, Álvarez Chao salientou que “este Goberno tamén foi o que redactou unha proposta de ampliación da Rede Natura 2000”. “A exposición pública desta proposta foi unha oportunidade para o Partido Popular para reunirse cos veciños, escoitalos e coñecer as súas inquedanzas, que se incorporarán a esta proposición non de lei”, explicou.
A portavoz popular amosou a necesidade recollida entre os axentes de campo de que se “unifiquen os criterios e facer un protocolo que actúe a modo de manual didáctico, que de xeito detallado, claro e conciso recolla os usos permitidos e prohibidos en cada unha das zonas recollidas no Plan Director cuxa tramitación está a piques de rematar”.
INFORMACIÓN DOS PREDIOS
Outra das cuestións que esta proposición non de lei do Grupo Popular demanda ao Goberno galego diríxese a informar aos propietarios de predios en Rede Natura, polo que demándase “achegar un resumo práctico do Plan Director a todos os concellos que teñen terreos incluídos nesta rede ecolóxica, a fin de que sexan distribuído entre os propietarios destes predios.
Ademais, “instamos á Xunta a facultar aos concellos, por ser a administración máis próxima aos cidadáns, para tramitar as autorizacións para desbroces nas zonas incluídas dentro da Rede, de xeito que a coordinación entre os concellos e os axentes dos distritos facilite o día a día dos labores que os agricultores, gandeiros ou propietarios forestais necesiten facer sobre os seus predios, dixo a portavoz popular.
“En consonancia coas alegacións que as asociacións de veciños nos presentaron, solicitamos que se revisen as zonas da proposta de ampliación que foron obxecto de procesos de concentración, así como naqueles casos que existan predios de eminente vocación agrícola e forestal, sen valores ambientais significativos, se estude a posibilidade de excluílos na proposta de ampliación definitiva”, manifestou Álvarez Chao. Neste sentido, apuntou que, no caso de que non sexa posible, “consideramos preciso estudar a posibilidade de incluílos dentro da zona de usos xerais do Plan Director, a fin de establecer mecanismos que permitan compatibilizar o uso agrogandeiro e forestal coa conservación dos valores naturais”.
Emma Álvarez Chao anotou que a través desta proposición non de lei “solicitamos que se contemplen dentro dos eixos comunitarios de actuacións no medio rural as zonas que están en Rede Natura 2000 como zonas de carácter prioritario a fin de dinamizalas economicamente, solicitando do Goberno incentivos para a repoboación dos terreos forestais con especies autóctonas”.
Por último, a proposición do Grupo Popular solicita á Xunta de Galicia que “continúe coa publicación das axudas para actividades, actuacións ou medidas en concellos incluídos na Rede Natura 2000 a fin de acadar a mellora da paisaxe, o mantemento das condicións ambientais ou a recuperación de especies historicamente relacionadas coa actividade agraria”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
