O centro sociocultural Manuel Díaz Sampedro acollerá a exposición Aves de Galicia

Será do 16 ao 20 de xullo organizada pola a Xunta e a obra social La Caixa. Dita exposición contará con paneis, un punto interactivo e unha serie de pufs con motivos ornitolóxicos que decoran e serven de descanso para os visitantes, segundo informan das concellerías de Medio Ambiente e Cultura e Xuventude de Barreiros. Os que se acheguen á exposición poderán saber un pouco más das aves de Galicia, das aves de montaña, das fragas, dos ríos e ribeiras, das chairas, das zonas húmidas do interior, das aves da campiña atlántica, da Galicia mediterránea, das rías, dos acantilados costeiros, das aves da praia e do mar e do medio urbano. As visitas pola mañá serán guiadas en grupo de 10 a 14 horas, ata un máximo de 20 visitantes/hora. Neste caso é preciso inscribirse na OMIX-Biblioteca de Barreiros. E polas tardes haberá visita libre de 18:30 a 21:00 horas.