PRIMEIRO ANO DE GOBERNO DO PP: UN ANO NEFASTO PARA BURELA
Hai agora un ano o equipo de goberno do PP tomou posesión dos seus cargos e, dende o BNG, cualificamos este primeiro ano como un ano nefasto para Burela por tres razóns que calquera veciño ou veciña da nosa vila pode apreciar no día a día.
En primeiro lugar, pola nula xestión que o equipo de goberno do PP desenvolveu nestes meses (eles mesmos o recoñecen no seu balance: continuidade e nada novo). Tres persoas, que cobran dedicacións exclusivas que ascenden a 100.000 € ao ano, non foron capaces de presentar ningún proxecto de futuro, ningunha obra nova, nin xestionar novos recursos económicos para que todas as actividades do CIM, as escolas deportivas e os talleres para as persoas maiores, por exemplo, non tivesen que ser pagados polos usuarios e chegar a acordos con outras administracións para subvencionalos.
En segundo lugar, enganaron os veciños e veciñas de Burela cando lles prometeron na campaña electoral que non ían subir os impostos (e aí temos o tema da auga, por exemplo, ou as taxas municipais por utilizar as instalacións municipais); mentiron ás asociacións e colectivos cando lles prometeron subvencións e agora non hai nada de nada (e aínda teñen que pagar por utilizar as instalacións municipais para desenvolver as súas actividades, suplindo así a falta de iniciativas e programación da Concellería de Cultura, por exemplo) e enganaron os rapaces e rapazas do deporte base cando lles quitaron as axudas municipais para estas actividades.
E, en terceiro lugar, non só non foron capaces de xerar ningún proxecto novo nin ningunha nova proposta senón que se dedican a viaxar por despachos e consellerías sen que as súas supostas xestións dean ningún froito. As tres persoas que cobran dedicación exclusiva, pero principalmente o Alcalde, levan gastado máis de 3.000 € en dietas (só coñecemos estes datos ata o mes de abril, agora xa haberá máis). E, cal é o resultado de tanto gasto? Pois, non se ve por ningún lado.
O resumo deste primeiro ano de goberno municipal do PP en Burela é: apagar luces (xa se verá a final de ano se se cumpren as previsións de aforro que tanto vende o Alcalde), subir os impostos e as taxas, cobrar por todo aos veciños, non apoiar a cultura e o deporte de Burela, deixar os maiores tirados na rúa, suprimir servizos sociais (como a Unidade de Atención Temperá, segundo se recollía no Plan de Axuste aprobado en marzo) e, en definitiva, viaxar e viaxar para nada (porque nada sabemos do acceso ao porto, da ampliación do Hospital ou de se a autovía nos vai cortar o pobo en dous). Iso si, o presidente da Xunta deixouse caer por aquí, despois de case catro anos de goberno, para rirse de todos nós falando do Plan Director do Hospital ou da construcción dunha nova escola infantil pero sen ningún compromiso firme, nin prazos, nin orzamentos.
Pero, xa para rematar este balance do primeiro ano de goberno do PP no Concello, gustaríanos facer referencia a dúas cuestións máis concretas que demostran o talante deste equipo de goberno.
Dende o mes de xaneiro e ata agora a finais de xuño houbo dúas persoas contratadas no Concello para a Oficina de Turismo (en base a unha subvención da Xunta para este concepto). Pois ben estas dúas persoas exerceron o seu traballo nas dependencias da Casa do Concello atendendo á centralita do teléfono, facendo as funcións de secretaria do Alcalde ou cubrindo baixas de persoal municipal noutros despachos. E a Oficina de Turismo e o Barco Museo pechados. Esa é a aposta polo Turismo deste equipo de goberno. Ben, turismo si que fai o Alcalde con tanto viaxe e será por iso que necesitaba secretarias particulares.
E a outra cuestión máis grave ten que ver coa recente contratación de 12 persoas para os GRUMIR. Á parte de facer unha contratación sen haber unhas previas probas de selección e de que algunhas das persoas seleccionadas son recoñecidos activistas do PP de Burela, agora resulta que non están facendo as funcións para as que foron contratadas como GRUMIR senón que algunhas delas están na Oficina de Turismo, ou cubrindo baixas nalgunha oficina do Concello ou na Casa da Xuventude facendo outros labores.
Estes dous exemplos concretos demostran, por un lado, a pouca importancia que ao Turismo lle dá o PP de Burela (no primeiro caso) e, por outro, que o amiguismo volveu ao Concello con estas novas contratacións de GRUMIR que, por enriba, non están exercendo o traballo para o que foron subvencionadas.
Un ano perdido para Burela, un ano en branco, que o único que nos trouxo é escuridade polas rúas, acabar coa cultura e o deporte de base, non facer nada máis que queixarse e, iso si, viaxar moito para ver mundo pero sen ningún resultado concreto.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
