PORTOS DE GALICIA INVESTIRÁ 65.000 EUROS NO ARRANXO DO FIRME DE ACCESO AO PEIRAO NORTE DE BURELA. GONZÁLEZ BARCIA DI QUE É IMPORTANTE QUE SE VAIAN FACENDO ESTE TIPO DE TRABALLOS DE MANTEMENTO. AS OBRAS PODERÍAN INICIARSE NUNS QUINCE DÍAS.
Burela, 7 de xullo de 2012. Portos de Galicia investirá 65.000 euros no arranxo do firme do acceso ao peirao norte de Burela. O alcalde, José Mª González Barcia, asegura que é importante que Portos vaia facendo este tipo de traballos de mantemento.
O rexedor relatou que “Portos de Galicia vai realizar unha obra no porto de Burela na que investirá 65.000 euros e que consistirá na reparación do firme do acceso ao peirao norte. Váise traballar sobre unha superficie de arredor de 4.500/4.600 metros cadrados nun treito que ten unha lonxitude de 600 metros por 8 de ancho. Alí procederáse a levantar o firme actual que está en mal estado, esa superficie se estaba a deteriorar a pasos axigantados e si o vial de acceso ao peirao sur está agora mesmo en perfecto estado o que sí é certo que o acceso ao peirao norte neses 600 metros é o que peor se encontra”.
Segundo González Barcia “o compromiso de Portos é ir reparando toda a superficie pola que circulan os coches no peirao norte, é dicir o porto de sempre, e o primeiro treito que se vai abordar é ese duns 600 metros de lonxitude por 8 de ancho”. O alcalde de Burela agarda que as obras se inicien en breve, “é probable que dentro de aproximadamente quince días empecen xa eses traballos, de feito onte venres o propio presidente de Portos de Galicia, José Juan Durán firmou a autorización de gasto, co cal o comezo das obras pode ser inmediato, porque se pode facer por contrato directo”.
Para José Mª González Barcia “é importante que nunha situación de crise coma a que estamos a vivir Portos de Galicia vaia facendo cousas puntuais en Burela, sobre todo naquelas onde é preciso facer traballos de mantemento, coma por exemplo neste caso ao que nos referimos hoxe”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
