A ASOCIACIÓN DE AXUDA Ó ENFERMO MENTAL A MARIÑA FARÁ O CAMIÑO DE SANTIAGO:
A ASOCIACIÓN DE AXUDA Ó ENFERMO MENTAL A MARIÑA, integrada na Federación de Asociacións de Familiares e Persoas con Enfermidades Mentais de Galicia (Feafes Galicia) realizará por terceiro ano consecutivo o Camiño de Santiago, unha actividade na que participarán 50 peregrinos, entre persoas con enfermidade mental, monitores e un pequeno grupo de familiares.
O percorrido comezará o mércores 5 de setembro, en Salceda (O Pino) e a chegada a Compostela está prevista para o venres, día 7, sobre as 12.00 horas. O itinerario, que percorre o Camiño Francés, abrange máis de 28 quilómetros.
Na primeira etapa do mércores, os participantes percorrerán os 8 quilómetros que separan Salceda de Arca, no concello do Pino. Nesa localidade, o aloxamento será no Albergue Edreira. Xa na segunda xornada, camiñarán os 15,8 quilómetros que hai de Arca-O Pino ata chegar ao Monte do Gozo, onde pasarán a noite. O último día, o vernes 7, percorreranse os 4,5 quilómetros que quedan ata chegar ao casco histórico compostelán.
Igual que na edición anterior, todos os peregrinos recibirán á chegada un certificado que acredite que percorreron este tramo do Camiño de Santiago. Antes de iniciar a viaxe, os participantes recibirán documentación dos monumentos e obras arquitectónicas que atoparán ao longo de percorrido, así como das sinais de referencia para seguir o itinerario.
Ao chegar a Santiago de Compostela, está previsto realizar unha recepción no concello e, a continuación, celebrarase unha comida de confraternidade nun restaurante do casco histórico.
Loita contra o estigma
Con esta iniciativa, Feafes Galicia quere mostrar á sociedade unha imaxe positiva do noso colectivo. Trátase de loitar de modo activo contra o estigma social, amosando unha imaxe normalizada das personas con enfermidade mental. Así mesmo, a práctica de deporte resulta moi beneficiosa para a saúde das persoas con enfermidade mental, ademáis de axudar á súa rehabilitación e fomentar a súa autonomía.
Este é o terceiro ano que o departamento de Ocio e Deporte de Feafes Galicia organiza esta iniciativa. Neste ano participan as asociacións Morea, Avelaíña, Lenda e Portanova, xunto con nós, a Asociación de Axuda ó Enfermo Mental A MARIÑA, todas integradas na Federación.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
