A XUNTA CONTINÚA COS AFECTADOS DAS PREFERENTES E A ARBITRAXE SEGUE A SER A SAÍDA PARA QUE RECUPEREN OS SEUS AFORROS
Galicia é a única comunidade que conseguiu levar a cabo esta fórmula que permite aos afectados, que foron vítimas dunha “mala praxis”, recobrar o seu diñeiro
Ata a data xa son máis de 12.000 as solicitudes de arbitraxe recibidas no Instituto Galego de Consumo que xa ten dadas máis de 900 citas para a celebración das arbitraxes e ascenden a 300 as familias que recuperaron os seus aforros
O instituto dependente da Consellería de Economía e Industria ten reforzado o sistema da arbitraxe e traballa coa máxima celeridade para ofrecer aos afectados unha resposta áxil e eficaz
Santiago, 31 de agosto de 2012.- A Xunta de Galicia continúa cos afectados polas participacións preferentes e, tras a aprobación do Real Decreto Lei levada a cabo hoxe polo Goberno Central, a arbitraxe segue a ser a saída para que recuperen os seus aforros. Deste xeito, o Instituto Galego de Consumo, dependente da Consellería de Economía e Industria, continuará tramitando as arbitraxes solicitadas polos consumidores afectados pola venda inaxeitada deste produto financeiro.
Galicia é a única comunidade que conseguiu artellar este mecanismo de arbitraxe que está facilitando a recuperación dos aforros das familias afectadas, xa que o que se cuestiona é a “mala práxis” na comercialización destes produtos financeiros.
Neste sentido, os laudos arbitrais ditados son inamovibles, e até agora xa son máis de 12.000 as solicitudes de arbitraxe presentadas no Instituto Galego de Consumo, que deu até a data máis de 900 citas para a celebración de arbitraxes, nun proceso no que preto de 300 familias xa recuperaron os seus cartos.
O Goberno da Xunta defende e seguirá a defender os dereitos dos consumidores afectados por medio da arbitraxe, de xeito que se ten reforzado o sistema arbitral e se está a traballar coa máxima celeridade para ofrecer aos afectados un servizo áxil e eficaz.
A vía da arbitraxe supón para os afectados que foron vítimas dunha mala comercialización, unha solución rápida, eficaz e gratuíta, que ademais ten a mesma firmeza que unha sentenza xudicial.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
