A XUNTA DE GOBERNO APROBA CONVENIOS DE COLABORACIÓN PARA Á PROMOCIÓN DO TURISMO NA MARIÑA POR VALOR DE 115.000 EUROS
O vicepresidente da institución insiste en que “é preciso multiplicar esforzos na promoción turística para paliar os efectos da crise e a subida do IVE no sector servizos así como frear a sangría demográfica do rural”
Antonio Veiga urxe ao Goberno de España unha solución á tarifa eléctrica de Alcoa antes das eleccións autonómicas
O ministro Industria responde á solicitude de xuntanza da Vicepresidencia da Deputación
Lugo, 31 de agosto de 2012. O vicepresidente da Deputación de Lugo e delegado das áreas de Benestar Social e Deporte, Antonio Veiga, asegura que “as declaracións da delegada da Xunta en Lugo, Raquel Arias, nas que afirma que o Executivo Galego segue a negociar co Goberno central para que Alcoa teña unha tarifa diferenciada non son cribles; xa no mes de xuño anunciou que a finais de agosto o problema estaría resolto e, hoxe, último día de agosto, o futuro da factoría e, por tanto, o de centos de familias, segue no aire”.
“Queda demostrado –continuou Veiga- que os anuncios de Arias son meramente propagandísticos e dada a convocatoria de eleccións autonómicas, dende a Vicepresidencia da Deputación pedimos aos representantes do Goberno galego que non inclúan en campaña temas como este que son determinantes para o desenvolvemento económico e social da comarca e que requiren da responsabilidade de todos os partidos.”
Con respecto ás solicitudes de xuntanza remitidas pola Vicepresidencia do ente provincial ao ministro de Industria Enerxía e Turismo e ao conselleiro de Economía e Industria para tratar a permanencia da factoría na Mariña, Antonio Veiga denuncia que tan so recibiu contestación por parte do Ministerio, polo que solicita publicamente, unha vez máis, unha xuntanza co conselleiro Javier Guerra. “Sabemos que os representantes do Partido Popular de Galiza están máis preocupados por gañar as eleccións do vindeiro 21 de outubro, por asegurar os seus postos e por seguir cobrando os soldos máis altos de Galiza, que por pór en marcha políticas que eviten que o número de desempregados continúe medrando, que as pensións galegas deixen de ser das máis baixas do Estado e que a nosa Comunidade deixe de estar á cabeza na redución de mestres e unidades educativas”
No encontro que nas vindeiras semanas manterán o ministro José Manuel Soria e Antonio Veiga, urxiráselle ao Goberno central unha solución para Alcoa antes da celebración das eleccións autonómicas.
Convenios de colaboración
Durante a rolda de prensa Antonio Veiga tamén deu conta da aprobación, na Xunta de Goberno celebrada hoxe, de varios convenio de colaboración da área de Turismo encamiñados a promocionar enclaves estratéxicos da Mariña porque, segundo explicou, “é preciso que as administracións públicas multipliquen esforzos na promoción turística para tentar paliar os efectos que a crise económica e a subida do IVE xa están a provocar no sector servizos, principal xerador de emprego na Mariña”.
Construír un muro de peche de terreo e de contención e pavimentar o acceso ao campo do Souto en A Ponte – Arante, zona coincidente co camiño Norte de Santiago, son os obxectivos do primeiro dos convenios cuxa cuantía ascende a 40.000 euros. Antonio Veiga considera necesaria esta actuación en canto “para o peregrino, Ribadeo é o primeiro punto da súa etapa galega cara Compostela pola Ruta da Costa pero, ademais, porque este camiño da acceso á zona onde se celebra a romaría medieval na que cada ano se dan cita centros de persoas”.
O segundo dos convenios, enmárcase nunha actuación de interese público que incidirá de xeito positivo no sector turístico e hostaleiro de Ribadeo e de toda a comarca da Mariña. Grazas a que a Vicepresidencia da Deputación de Lugo asumirá os gastos do proxecto ‘Praia das Catedrais’, un total de 40.000 euros, mellorarase o servizo de información turística, dando cobertura á demanda existente de información deste enclave, un dos máis visitados de Galiza. Con este proxecto esta institución e o concello de Ribadeo pretenden paliar as “nefastas” consecuencias da política turística da Xunta de Galiza que “esquece incluír a praia das Catedrais no ‘Top ten turístico’ da Comunidade. Está demostrado que non todas as institucións apostan da mesma maneira pola promoción dos atractivos turísticos”.
O terceiro e último dos convenios de colaboración aprobados, supón unha aportación económica de 35.000 euros para a promoción da actividade artesanal do ferro para que se converta nun motor económico e de xeración de emprego. Para Antonio Veiga “a campaña de promoción turística de artesanía do ferro de Riotorto é crucial polo que significa na mellora da posta en valor do oficio de ferreiro, na mostra dunha cultura peculiar e na aposta por una actividade económica que pode axudar a deter a sangría demográfica que afecta ao rural galego”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
