A Deputación atrae a un cento de persoas a Viveiro co programa de ocio medioambiental Lugoteando
– Os participantes gozaron no contorno do Club Náutico vivariense de paseos en bolas e bananas acuáticas, paddle surf, scooters acuáticos, segway e skates eléctricos
– As actividades coas que o organismo provincial potencia o ocio medioambiental como oportunidade económica da provincia continúan mañá na Mariña, cunha xornada na praia focense da Rapadoira, na que están inscritas outras cen persoas de tódalas idades
A Deputación de Lugo atraeu este sábado a Viveiro a un centenar de persoas de tódalas idades con Lugoteando, o programa co que o organismo lugués potencia o ocio medioambiental como alternativa económica da provincia. As boas condicións meteorolóxicas animaron unha xornada na que os participantes nesta iniciativa de lecer ecolóxico puideron gozar no contorno do Club Náutico vivariense de divertidos paseos en bolas e bananas acuáticas, paddle surf, scooters acuáticos, segway e skates eléctricos.
As actividades continuarán mañá domingo na comarca mariñana cunha xornada na praia da Rapadoira, en Foz, na que están inscritas outras cen persoas de entre 7 e 60 anos. Neste caso, terán a oportunidade de practicar surf, kite surf e paddle surf, así como dar paseos en bolas e bananas acuáticas, scooters acuáticos, skates eléctricos e long board. Como no caso de Viveiro, o horario será de 15:00 a 20:00 horas.
A Deputación decidiu ampliar este ano, na súa terceira edición, o programa Lugoteando, tanto en número de concellos, como na duración, para que máis familias e xente nova poidan gozar das súas propostas e seguir potenciando o turismo, un sector que representa o 30% do PIB lucense. Deste xeito, a iniciativa inclúe esta vez actividades en seis localidades da provincia –Monforte, Vilalba (onde xa se celebraron), Viveiro, Foz, A Fonsagrada e Lugo- e prolónganse durante tres meses, de xullo a setembro, fronte os dous das últimas edicións.
Como inscribirse
A inscrición pode facerse chamando ós números de teléfono 982-12-00-64 ou 609-90-32-11; a través da web da Deputación www.deputacionlugo.org na que o usuario pode descargar un formulario que debe enviar cuberto á dirección lugoteando@deputacionlugo.org ou ben in situ, antes de que comece cada actividade. Esta última opción non garante que haxa prazas libres. No caso dos menores de idade, terán que presentar unha autorización asinada polos pais ou titores, que poden descargar na web e enviar por correo a lugoteando@deputacionlugo.org ou ben presentar antes do inicio das actividades nas que desexen participar.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
