A praia de Lieiro acollerá este sábado o V Campionato Macguiver de surf e body board
-Ademais da competición, haberá ambiente festivo durante todo o día, entrega de premios e unha actividade de concienciación ambiental
Cervo, 29 de agosto de 2012-O V Campionato Macguiver Surf Praia de Lieiro que terá lugar este sábado reunirá a decenas de surfistas no areal cervense. A cita, organizada polo Club Limosa Surf coa colaboración do Concello de Cervo, pretende ser un final de festa para despedir os principais meses do verán e inclúe a competición nas modalidades de surf e body board así como ambiente festivo con música. Os tres primeiros clasificados en cada modalidade recibirán un premio.
Ademais, o Club Limosa Surf ten previsto dispoñer de material para a práctica de surf co obxectivo de ensinar a aquelas persoas que desexen adquirir algunhas nocións ou probar a sensación de surfear. Ao mesmo tempo, realizarase unha actividade de concienciación medioambiental consistente en recoller o lixo que poida haber na praia de Lieiro e no seu contorno co obxectivo de que a cidadanía entenda a importancia de manter limpos os nosos areais e en xeral todos os espazos públicos do municipio. As cinco persoas que máis lixo retiren recibirán unhas camisetas facilitadas pola organización como premio á súa acción.
O evento presentouse esta mañá na praia de Lieiro, un acto no que estiveron presentes o alcalde de Cervo, Alfonso Villares; as edís de Deportes, Yolanda Pedreira; Educación, Pilar Armada; Medio Ambiente e Turismo, Begoña Alonso así como dous membros do Club Limosa Surf, Evaristo Blanco e Nano Fra.
Este evento converteuse nos últimos anos nunha cita habitual dos veráns de Cervo que atrae a decenas de deportistas locais, da comarca da Mariña e doutros puntos de Galicia como A Coruña ou Ferrol. Pero ao mesmo tempo, tamén se converte nun espectáculo ao que se achega numeroso público, interesado en presenciar as habilidades dos surfistas sobre a táboa. “Dende o Concello queremos animar aos cervenses a acudir a este evento, porque é unha oportunidade para presenciar surf en directo e pasar un día de diversión cun ambiente festivo” asegura a edil de Deportes. “Non todos os días podemos participar nunha cita coma esta, na que a praia convértese no escenario ideal para compartir o día con máis afeccionados ao surf e nunha xornada con moita actividade” remata Pedreira.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
