As festas patronais de Cervo achéganse co programa cargado de eventos para todos os públicos
-Inclúe acontecementos multitudinarios como a XXXIV Queimada Popular, o XV Mercado Tradicional ou a VII Festa do Ovo Frito
Cervo, 9 de agosto de 2012-Música, degustacións gastronómicas como a Festa do ovo frito, rituais tradicionais como a Queimada Popular, deporte e actividades lúdicas para nenos e nenas son algunhas das moitas citas coa diversión e o entretemento que ten preparadas a comisión das festas de Cervo na honra da Nosa señora, San Roque e o Carme. O Concello, que colabora nesta celebración, e unha representación da organización, presentaron esta mañá o cartel desta festividade. En concreto catro asociación traballaron en conxunto no cartel, como son Airiños do Xunco, Comunidade de Montes, S.D. Cervo-Sargadelos e a Asociación de Veciños.
O programa comeza o luns días 13, con actos previos como a inauguración da exposición de manualidades ás 18:00 horas no Ecomuseo de Cervo. Nesta mostra pódense ver os traballos realizados polo alumnado dos cursos de bordado e costura, palillar, e manualidades que organiza a Asociación de Veciños Cervo-Sargadelos. A exposición pódese visitar todos os días das festas en horario de 18:00 a 20:30 horas, agás o sábado, que estará aberta todo o día.
O pregón, o martes 14 ás 20:00 horas, marcará o inicio oficial dos festexos. Media hora despois comezará a VII Festa do Ovo Frito, na que se servirán racións que inclúen dous ovos fritidos, patacas, chourizo e pan por un módico prezo. A organización prevé repartir máis de 1.000 racións nesta cita gastronómica que durará ata ben entrada a noite.
O mércores 15, día da Asunción, o día festivo arrincará coa misa solemne na honra á Nosa Señora e procesión da Virxe da Asunción e do Carme con ofrenda floral aos mariñeiros a partir das 13:00 horas. Unha hora máis tarde a orquestra Fin de Siglo amenizará a festa na sesión vermú. Pola tarde, a partir das 18:00 horas, dará comezo o Trofeo Sargadelos, que nesta ocasión enfrontará ao Club Deportivo Cariño e ao S.D. Cervo-Sargadelos. A música volverá ás 20:00 horas co Festival Folclórico no que Airiños do Xunco de Cervo e a Asociación Cultural Amigos da Gaita de Ribadeo ofrecerán actuacións de canto e baile tradicional. O día rematará coa verbena a cargo da orquestra Fin de Siglo.
O xoves 16 comezará coa misa solemne e procesión na honra de San Roque ás 13:00 horas. Ás 14:00 horas haberá sesión vermú, nesta ocasión coa orquestra Nueva Generación, que tamén estará na verbena.
As actividades do día 17 estarán dedicadas aos nenos e nenas. A partir das 18:00 horas, os pequenos estarán entretidos debuxando e asistindo a contacontos e unha hora despois comezará a festa da escuma e a Xuncada.
O sábado será o momento de dúas citas con moita tradición. Pola mañá, a edición número 15 do Mercado Tradicional de Cervo, que adoita concentrar a centos de persoas polas rúas da vila; e a Queimada Popular, de Interese Turístico Galego, que este ano chega á edición número 34 e na que se representa o ritual da queimada, que despois se sirve entre os asistentes. A noite rematará coa verbena a cargo da orquestra Océano e o Dúo Diamante.
“Unas fiestas cargadas de tradición, con numerosos eventos consolidados y un programa muy variado que anima a visitar y a quedarse en Cervo” asegura a edil de Cultura, Begoña Alonso, que convida “a cervenses y turistas a participar en la celebración y disfrutar del ambiente festivo que se respira durante todos estos días”, remata Alonso.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
