Os traballos de roza e desbroce están finalizados ou en execución no 60% dos Concellos da Mariña
– A Deputación mellora as comunicacións e contribúe a previr incendios na Costa lucense limpando 800 quilómetros de estradas, unhas tarefas que contan cun orzamento de máis de 100.000 euros e acometen 5 PEMES e autónomos da provincia
– A roza está rematada en Viveiro, Foz, Burela, Cervo e Ribadeo; e en execución a de Xove, O Vicedo, Ourol, O Valadouro e Barreiros; mentres que nos próximos días iniciaranse os traballos en Alfoz, Trabada, Mondoñedo, Lourenzá, A Pontenova e Riotorto
– “Sorprende o descoñecemento do Alcalde de Xove sobre o que ocorre no seu municipio”, afirma Lara Méndez, “porque os labores de desbroce están en marcha dende hai unha semana e a día de hoxe están listos nas estradas de acceso ás praias”
As tarefas de roza e desbroce cos que a Deputación mellora as comunicacións rurais da provincia e contribúe a previr incendios están finalizados ou en execución a día de hoxe no 60% dos Concellos da Mariña. Segundo deu conta a Vicepresidenta Segunda do organismo provincial, Lara Mández, os traballos afectan no conxunto da Costa lucense a uns 800 quilómetros, contan cun orzamento de máis de 100.000 e deles encárganse 5 PEMES e autónomos da provincia. A limpeza está rematada na actualidade nos viais de Viveiro, Foz, Burela, Cervo e Ribadeo; e en execución, a de Xove, O Vicedo, Ourol, O Valadouro e Barreiros; mentres que nos próximos días iniciaranse os traballos en Alfoz, Trabada, Mondoñedo, Lourenzá, A Pontenova e Riotorto.
Neste sentido e facendo referencia ás declaracións do rexedor xovense, Demetrio Salgueiro, nas que aseguraba que a Deputación non tiña iniciado os desbroces no seu Concello, Lara Méndez afirmou que “sorprende o descoñecemento do Alcalde sobre o que ocorre no seu municipio, pois os traballos están en marcha dende hai unha semana”. A Vicepresidenta explicou que a roza terminou hoxe mesmo nas estradas de acceso ás praias de Xove, que suman uns 30 quilómetros e “ás que lles demos prioridade pola gran cantidade de visitantes que reciben nesta época de verán”, e a partir de agora limparanse as vías do interior, ó redor de 20 quilómetros de lonxitude, e que estarán listas a finais deste mes.
4.200 quilómetros en toda a provincia
O plan de roza e desbroce que a Deputación está a acometer nos 4.200 quilómetros que conforman a rede viaria provincial, a máis extensa de España, mellora as comunicacións no rural e a seguridade vial, pero ademais contribúe á prevención de incendios, “algo fundamental tendo en conta os recortes levados a cabo pola Xunta nesta materia”, indicou Méndez. Os traballos foron adxudicados por un importe total de 561.000 euros a 23 empresas lucenses, co que a Deputación potencia a actividades das PEMES e autónomos da provincia, paliando a difícil situación que atravesan pola crise e mantendo postos de traballo. Este ano, a Deputación xestiona a totalidade dos traballos co fin de acometelos coa máxima celeridade.
A Deputación roza, mentres a Xunta sulfata
A Vicepresidenta recalcou así mesmo a importancia de que a Deputación limpe as estradas de maleza rozándoas, fronte á actuación da Xunta, “que as sulfata, sen ter en conta os efectos nocivos que iso ten para o medio ambiente, a Rede Natura ou as Reservas da Biosfera”. Lembrou así mesmo que o desbroce iniciouse a finais de xullo para “facer un uso racional dos recursos e non ter que acometer estes traballos dúas veces, pois as condicións meteorolóxicas deste verán propiciaron que a maleza medrase moi rápido”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
